وزیراعلی خیبرپختونخوا کا بونیر کا دورہ، سیلاب متاثرین کے نقصان کا ازالہ کرنیکی یقین دہانی

?️ 17 اگست 2025

پشاور (سچ خبریں) وزیراعلی خیبرپختونخوا علی امین گنڈاپور نے بونیر کے متاثرہ علاقوں کا دورہ کرکے سیلاب سے ہونے والے نقصانات اور امدادی سرگرمیوں کا جائزہ لیا۔

وزیراعلی نے سیلاب کے باعث جاں بحق افراد کے لواحقین سے تعزیت اور اظہار ہمدردی کرتے ہوئے کہا کہ خیبرپختونخوا حکومت متاثرہ لوگوں کے غم میں برابر کی شریک ہے۔

علی امین گنڈاپور کا کہنا تھا کہ خیبر پختونخوا حکومت متاثرین کے تمام تر نقصان کا ازالہ کرے گی، بحیثیت وزیراعلی یقین دلاتا ہوں، جو بھی مالی نقصان ہوا ہے پورا کیا جائے گا۔

انہوں نے مزید کہا کہ متاثرہ علاقوں میں انفراسٹرکچرکی فوری بحالی کو یقینی بنا یا جائے گا، ابھی ریسکیو اور ریلیف سرگرمیاں جاری ہیں، اگلے مرحلے میں نقصانات کا سروے کیا جائے گا۔