?️
اسلام آباد:(سچ خبریں) وزریراعظم شہباز شریف لندن میں 5 روزہ قیام کے بعد وطن واپس پہنچ گئے ہیں۔ ’ریڈیو پاکستان‘ کے آفیشل ٹوئٹر اکاؤنٹ سے کی گئی ایک ٹوئٹ میں تصدیق کی گئی ہے کہ وزیر اعظم آج صبح لندن سے پاکستان واپس پہنچ گئے ہیں۔
وزیراعظم شہباز شریف اپنے بڑے بھائی اور پاکستان مسلم لیگ (ن) کے قائد نواز شریف سے ملاقات کے لیے لندن روانہ ہوئے تھے۔ قبل ازیں وزیراطلاعات مریم اورنگزیب نے بتایا تھا کہ شہباز شریف 14 نومبر کو (آج) اسلام آباد پہنچیں گے۔
میڈیا رپورٹس کے مطابق وزیراعظم شہباز شریف چند روز قبل لندن گئے تھے اور انہیں 11 نومبر کو واپس پاکستان کے لیے روانہ ہونا تھا تاہم طبیعت خرابی کے سبب انہوں نے اپنا قیام دو روز کے لیے بڑھا دیا تھا۔
لندن میں قیام کے دوران انہوں نے نواز شریف سے نئے آرمی چیف کی تعیناتی، اگلے عام انتخابات، پاکستان تحریک انصاف کے لانگ مارچ سے نمٹنے کے لیے حکمت عملی اور دیگر اہم معاملات پر بات چیت کی۔
ملاقات میں فیصلہ کیا گیا کہ آرمی چیف کی تعیناتی آئینی ذمہ داری ہے جو آئینی طور پر ہی ادا کی جائے گی اور فیصلہ خالصتاً میرٹ کی بنیاد پر کیا جائے گا۔
ذرائع کے مطابق ملاقات میں یہ بھی فیصلہ کیا گیا کہ نئے آرمی کی تعیناتی میرٹ کی بنیاد پر ہوگی، موجودہ آرمی چیف جنرل قمر جاوید باجوہ کی مدت ملازمت 29 نومبر کو ختم ہو رہی ہے۔
خیال رہے کہ وزیر منصوبہ بندی احسن اقبال کا کہنا تھا کہ لندن میں اجلاس کے دوران یہ فیصلہ کیا گیا کہ 29 نومبر سے پہلے نئے آرمی چیف کی تقرری کا اعلان ہوجائے گا اور وزیر اعظم حکمران اتحاد پاکستان ڈیموکریٹک موومنٹ (پی ڈی ایم) کو اس حوالے سے اعتماد میں لیں گے۔
یاد رہے کہ گزشتہ ہفتے شہباز شریف مصر میں دو روزہ موسمیاتی کانفرنس کے اختتام کے بعد لندن روانہ ہوئے تھے، 8 نومبر کو جب وزیراعظم شرم الشیخ سے روانہ ہوئے تھے تو انہوں نے ٹوئٹ کیا تھا کہ ’پاکستان کے لیے روانہ ہوگیا ہوں‘ لیکن بعد ازاں انہوں نے وطن واپس آنے کا پلان تبدیل کردیا تھا اور نواز شریف سے ملنے قطر سے لندن روانہ ہو گئے تھے۔
شہباز شریف نے صرف اپنے نجی عملے کے ساتھ لندن میں قیام کیا تھا جبکہ وفد کے دیگر ارکان ماحولیاتی کانفرنس کے بعد اسلام آباد کے لیے روانہ ہوگئے تھے۔


مشہور خبریں۔
حماس کی سرنگوں سے نمٹنے کے لیے صیہونی حکومت کے منصوبے کیا ہیں؟
?️ 5 دسمبر 2023سچ خبریں:وال سٹریٹ جرنل نے امریکی حکام کے حوالے سے بتایا ہے
دسمبر
ٹرمپ کے دباؤ کے باوجود جنوبی کوریا کا آبنائے ہرمز میں فوج بھیجنے سے انکار
?️ 18 ستمبر 2026سچ خبریں:جنوبی کوریا کے صدر لی جے میونگ نے کہا ہے کہ
ستمبر
سعودی اتحاد کی صنعا کے دو رہائشی مکانات پر بمباری؛ 8 شہید، 4 زخمی
?️ 27 مارچ 2022سچ خبریں:سعودی اتحاد کے لڑاکا طیاروں نے یمنی دارالحکومت میں دو رہائشی
مارچ
ایرانی صدر نے اقوام متحدہ کے اجلاس میں کیا کہا؟
?️ 20 ستمبر 2023سچ خبریں: ایران کےصدر رئیسی نے اقوام متحدہ کے 87 ویں اجلاس
ستمبر
ایرانی حملوں کے خدشے کے پیش نظر مقبوضہ علاقوں میں امریکی سفارتخانہ بند
?️ 21 جون 2025سچ خبریں: امریکی محکمہ خارجہ نے اعلان کیا ہے کہ ایران اور اسرائیل
جون
ایران کے بارے میں ٹرمپ کی متضاد پالیسی؛دھمکی بھی اور لالچ بھی
?️ 9 فروری 2025سچ خبریں:امریکی صدر ڈونلڈ ٹرمپ نے ایک مرتبہ پھر دعویٰ کیا ہے
فروری
سلامتی کونسل کو اب مسئلہ فلسطین کے حوالے سے فیصلہ لینا پڑے گا:وزیر خارجہ
?️ 25 مئی 2021اسلام آباد(سچ خبریں) وزیر خارجہ شاہ محمود قریشی نے کہا ہے کہ
مئی
جارجیا کے پارلیمنٹ انتخابات کی تازہ ترین صورتحال
?️ 29 دسمبر 2024سچ خبریں: 26 اکتوبر کو ہونے والے جارجیا کے پارلیمانی انتخابات کے بعد،
دسمبر