سچ خبریں:سعودی اتحاد کے لڑاکا طیاروں نے یمنی دارالحکومت میں دو رہائشی مکانات کو نشانہ بنایا جس کے نتیجے میں تمام مکین شہید اور زخمی ہو گئے۔
سعودی جارح اتحاد کے جنگجوؤں نے ہفتہ کی درمیانی شب صنعا کے دو گھروں پر اس وقت بمباری کی جب لوگ ان میں سو رہے تھے، اس بمباری کے نتیجہ میں ان گھروں کے تمام ارکان شہید یا زخمی ہو گئے، جن میں خواتین اور بچے بھی شامل ہیں۔
المسیرہ ویب سائٹ کے مطابق یہ حملہ السبعین کے علاقے میں ہوا جبکہ ابھی تک شہدا اور زخمیوں کی حتمی تعداد کا اعلان نہیں کیا گیا ہے، یاد رہے کہ سعودی لڑاکا طیاروں نے صنعاء کے علاقے الحفا میں بھی دو حملے کیے۔
اسی دوران سعودی اتحادی فضائیہ نے الحدیدہ صوبے میں السلف کی بندرگاہ اور تیل کی تنصیبات اور بجلی گھروں پر سات بار بمباری کی،ادھر یمنی آئل کمپنی کے ترجمان عصام المتوکل کے مطابق الحدیدہ کے ساحل پر ایندھن کے ٹینکوں کو نشانہ بنایا گیا تاہم ان کے اندر ایندھن موجود نہیں تھا۔
انہوں نے کہا کہ الحدیدہ کے ایندھن کے ٹینکوں میں صرف اقوام متحدہ کا تیل ہے جو حال ہی میں یمن میں لایا گیا تھا، یاد رہے کہ یہ حملے یمن پر سعودی اماراتی اتحاد کے فوجی حملے کے آغاز کی آٹھویں برسی کے موقع پر ہوئے ہیں، جس میں سب سے غریب عرب ملک کے طور پر یمن کا محاصرہ کیا گیا تھا۔