مواصلات کے شعبے میں سینٹرل ایشیا سے روس تک رسائی چاہتے ہیں۔ عبدالعلیم خان

?️ 3 جولائی 2025

اسلام آباد (سچ خبریں) وفاقی وزیر مواصلات عبدالعلیم خان کا کہنا ہے کہ ریل، روڈ نیٹ ورک اور تجارتی راہداریاں پاکستان کی ترجیح ہیں۔ مواصلات کے شعبے میں سینٹرل ایشیا سے روس تک رسائی چاہتے ہیں۔

تفصیلات کے مطابق وفاقی وزیر مواصلات عبدالعلیم خان سے روس کے نائب وزیر ٹرانسپورٹ اینڈری سرجیوچ نکیتن نے چین کے شہر تیانجن میں ملاقات کی۔ ملاقات میں باہمی دلچسپی کے امور پر تبادلہ خیال ہوا۔ پاک روس دو طرفہ تعاون اور مختلف منصوبوں پر بھی بات چیت ہوئی۔

ذرائع کے مطابق ملاقات میں عبدالعلیم خان نے کہا مواصلات کے شعبے میں سینٹرل ایشیا سے روس تک رسائی چاہتے ہیں۔ ریل، روڈ نیٹ ورک اور تجارتی راہداریاں پاکستان کی ترجیح ہیں۔وسط ایشیائی ریاستوں کو پاکستان کے ذریعے گرم پانیوں تک رسائی مل سکتی ہے۔

روسی روسی نائب وزیر کا کہنا تھا کہ روس بھی پاکستان کے ساتھ دوطرفہ تعاون کے فروغ کا خواہاں ہے۔ ملاقات میں شنگھائی تعاون تنظیم کے اجلاس سمیت مختلف امور پر بھی تبادلہ خیال ہوا۔