?️
لاہور (سچ خبریں) تفصیلات کے مطابق ن لیگ کی رہنما حنا پرویز بٹ نے سماجی رابطوں کی ویب سائٹ ٹویٹر پر اپنے ایک ٹویٹ میں لکھا ہے کہ میں چیلنج کرتی ہوں وزیراطلاعات کو اگر پی ٹی وی اور آپ واقعی آذاد ہیں تو کیا برطانوی عدالت سے شہباز شریف کے حق میں آنے والے فیصلے کی ہیڈ لائن آج آپ پی ٹی وی پر چلائیں گے- انہوں نے اپنے ٹویٹ میں مزید لکھا کہ کہاں گئے فواد چوہدری اور فرخ حبیب؟؟ آئیں آج بھی کوئی پریس کانفرنس کریں۔
یاد رکھو جہاں جہاں انصاف آذاد ہوگا تم لوگوں کو شرمندگی کا سامنا کرنا پڑے گا- انہوں نے اپنے ایک اور ٹویٹ میں کہا کہ جب عدالتیں آذاد ہوں تو حق پر مبنی ہی فیصلے آتے ہیں۔ شہباز شریف اور پوری مسلم لیگ ن کو مبارک ہو آج نیازی اور ان کی چیلوں کا مکروہ چہرہ دنیا کے سامنے بے نقاب ہو گیا۔برطانوی عدالت سے سرخرو ہونا ہمارے بیانیے کی جیت اور نیازی اور اسکے چیلوں کی تاریخی شکست ہے- انہوں نے مزید لکھا کہ برطانیہ میں شہباز شریف اور انکے خاندان کیخلاف 21 ماہ کی تحقیقات میں 20 سال کے مالی معاملات کا جائزہ لیا گیا۔
الحمدللّٰہ آج برطانوی عدالت نے شہباز شریف اور ان کے خاندان کو منی لانڈرنگ کے الزامات سے بری کردیا۔نیازی ، نیب اور ایف آئی اے کو شرم سے ڈوب مرنا چاہیے- واضح رہے کہ برطانوی عدالت نے قومی اسمبلی میں قائد حزب اختلاف و مسلم لیگ (ن) کے صدر شہباز شریف اور ان کے خاندان کو منی لانڈرنگ اورمجرمانہ سرگرمیوں کے الزامات سے بری کردیا۔ برطانوی نیشنل کرائم ایجنسی نے شہباز شریف اور ان کے بیٹے سلیمان شریف کے منجمد بینک اکاؤنٹس کی تحقیقاتی رپورٹ ویسٹ منسٹر کورٹ میں جمع کرائی۔
رپورٹ کے مطابق شہباز شریف اور ان کے خاندان کے بینک اکاؤنٹس میں منی لانڈرنگ، کرپشن اور مجرمانہ سرگرمی کا کوئی ثبوت سامنے نہیں آیا۔ رپورٹ میں کہا گیا ہے کہ21 ماہ کی تحقیقات میں 20 سال کے مالی معاملات کا جائزہ لیا گیا۔ خیال رہے کہ برطانوی ایجنسی نے حکومت پاکستان، نیب اورایسٹ ریکوری یونٹ کی درخواست پر تحقیقات شروع کی تھیں جبکہ تحقیقات کے دوران شہباز شریف اور شریف خاندان کے برطانیہ اورمتحدہ عرب امارات میں اکاونٹس کی چھان بین کی گئی۔ عدالت نے شہباز شریف اور ان کے خاندان کو منی لانڈرنگ اورمجرمانہ سرگرمیوں کے الزامات سے بری کردیا اور منجمد اکاؤنٹس بھی بحال کرنے کا حکم دے دیا۔


مشہور خبریں۔
اولمرٹ: غزہ میں جنگ بند ہونی چاہیے
?️ 21 مئی 2025سچ خریں: اسرائیل کے سابق وزیر اعظم ایہود اولمرٹ نے ایک بیان
مئی
کورنا کیسز کی بڑھتی تعداد کے بعد حکومت لگائے گی پابندیاں:اسد
?️ 27 مارچ 2021اسلام آباد (سچ خبریں) وفاقی وزیر برائے منصوبہ بندی و ترقی اسد
مارچ
یمن کے صوبہ تعز میں سعودی کرائے کے فوجیوں کی بڑے پیمانے پر منتقلی
?️ 4 ستمبر 2026سچ خبریں: یمن کی فوج اور انصاراللہ کی پیش قدمی کے بعد
ستمبر
یوکرین میں نیٹو افسروں کی معلومات ہیک ہوئیں
?️ 29 دسمبر 2022سچ خبریں: بدنیتی پر مبنی ہیکرز کے روسی گروپ RaHDit نے
دسمبر
صیہونی کینیڈا میں خود کو غیر محفوظ محسوس کر رہے ہیں
?️ 26 مئی 2025سچ خبریں: صیہونی حکومت کی قومی سلامتی کونسل نے ایک بیان میں
مئی
امریکی وفڈ ایوی ایشن ایڈمنسٹریشن کے 11 ہزار ملازمین کی برطرفی
?️ 1 اکتوبر 2025سچ خبریں: امریکی محکمہ نقل و حمل نے اعلان کیا ہے کہ
اکتوبر
جماعت اسلامی کا کراچی میں بلدیاتی انتخابات کے التوا کے خلاف سپریم کورٹ جانے کا اعلان
?️ 18 اکتوبر 2022کراچی: (سچ خبریں) امیر جماعت اسلامی کراچی حافظ نعیم الرحمٰن نے کراچی
اکتوبر
جنوبی افریقہ میں حالات شدید کشیدہ، درجنوں افراد ہلاک ہوگئے
?️ 14 جولائی 2021جنوبی افریقہ (سچ خبریں) جنوبی افریقہ میں سابق صدر کے خلاف فیصلہ
جولائی