فائزر ویکسین کی مزید کھیپ اسلام آباد پہنچ گئی

?️ 21 جولائی 2021

اسلام آباد(سچ خبریں) امریکی کمپنی کی تیار کردہ فائزر ویکسین کی مزید کھیپ پاکستان پہنچ گئی ہے  جو بیرون ملک جانے والے افراد کے لئے بڑی خوشخبری مانی جاتی ہے۔ پاکستان نےفائزر سے1کروڑ 30لاکھ ڈوز خریداری کا معاہدہ کیاہے، کوویکس گزشتہ ماہ پاکستان کو1لاکھ600 فائزرڈوز فراہم کرچکا ہے۔

ذرائع کے مطابق غیر ملکی ایئرلائن کے ذریعے مزید چودہ ہزار فائزر ویکسین کی ڈوز اسلام آباد پہنچی، اسلام آباد ایئرپورٹ حکام نے فائزر ویکسین ای پی آئی کےحوالےکی۔ذرائع کا کہنا ہے کہ فائزر ویکسین ای پی آئی کے مرکزی ویئر ہاؤس منتقل کردی گئی، جہاں انہیں الٹرا کولڈ چین ریفریجریٹرز میں اسٹاک کیا گیا ہے۔

یاد رہے کہ پاکستان نےفائزر سے1کروڑ 30لاکھ ڈوز خریداری کا معاہدہ کیاہے، کوویکس گزشتہ ماہ پاکستان کو1لاکھ600 فائزرڈوز فراہم کرچکا ہے جبکہ فائزرکی جانب سےرواں ماہ مزید ویکسین فراہمی کا امکان ہے۔فائزر دائمی امراض کا شکار،کمزورقوت مدافعت افراد کو لگائی جارہی ہیں، اسکے علاوہ بیرون ملک جانےکےخواہشمند افراد بھی اس سے مستفیذ ہورہے ہیں، امریکی ویکسین ملک کے مخصوص ویکسی نیشن سینٹرز پر دستیاب ہوگی۔

دوسری جانب پاکستان میں کرونا وائرس کی چوتھی لہر کے وار جاری ہیں، سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں ایک بار پھر وائرس کی ہلاکت خیزیوں اور کیسز میں اضافہ جاری ہے۔ملک میں گزشتہ 24 گھنٹوں کے دوران کورونا کے 2ہزار 579کیس رپورٹ ہوئے، گزشتہ روز کورونا کے 41 ہزار 186 ٹیسٹ کیے گئے جبکہ اس وبا سے مزید 40 افراد انتقال کرگئے ہیں۔