عثمان بزدار کو جوہر ٹاؤن دھماکے سے متعلق رپورٹ پیش کر دی گئی

?️ 25 جون 2021

لاہور (سچ خبریں) وزیراعلیٰ پنجاب عثمان بزدار نے  جوہر ٹاؤن دھماکے سےمتعلق رپورٹ کا جائزہ لینے کے بد کہا کہ  تحقیقات کوسا ئنٹیفک انداز سے آگے بڑھایا جائے  واقعے میں ملوث دہشت گرد قرار واقعی سزا کے حقدار ہیں ،سفاک درندے کسی رعایت کےمستحق نہیں۔

تفصیلات کے مطابق وزیراعلیٰ پنجاب سردارعثمان بزدار کی زیر صدارت اجلاس ہوا ، جس میں امن وامان کی صورتحال اور جوہرٹاؤن دھماکےکی تحقیقات پر پیشرفت کا جائزہ لیا گیا۔اجلاس میں وزیراعلیٰ عثمان بزدارکوجوہر ٹاؤن دھماکے سے متعلق رپورٹ پیش کی گئی، جس پر عثمان بزدار نے تحقیقات کوسا ئنٹیفک انداز سے آگے بڑھانے کی ہدایت کرتے ہوئے کہا واقعے میں ملوث دہشت گرد قرارواقعی سزاکے حقدار ہیں اور سفاک درندے کسی رعایت کے مستحق نہیں۔

وزیراعلیٰ پنجاب نے کہا کہ دھماکےکےذمہ دار،سہولتکارعبرتناک انجام سےبچ نہیں پائیں گے ، پنجاب پولیس نےپہلےبھی ہائی پروفائل کیس حل کیے ، قانون نافذ کرنے والے ادارے تحقیقات کومزیدتیزی سےآگےبڑھائیں۔

انھوں نے پولیس پٹرولنگ کوبڑھانے کی ہدایت کرتے ہوئے کہا عوام کےجان ومال کےتحفظ کےلئےہرضروری اقدام اٹھایاجائے، امن عامہ برقرار رکھنے کے لئے پولیس جانفشانی سےفرائض سرانجام دے۔

دوسری جانب لاہور جوہر ٹاؤن دھماکے کے مبینہ ماسٹرمائنڈ کی تصویر اور گھرکی ویڈیو سامنے آگئی، پیٹرپال ڈیوڈ کے اہلخانہ چھاپے کے بعد نامعلوم مقام پر روپوش ہوگئے۔ ویڈیومیں پیٹرکے3 منزلہ گھرکو بھی دیکھاجاسکتا ہے ،محمودآباد میں گھر کو تالہ لگا تھا، پڑوسی نے بیان میں کہا کہ ڈیوڈکی بیوی اوربیٹا آج صبح گھرکوتالہ لگا کر چلے گئے، ڈیوڈ کا ایک بیٹا ڈینزل کچھ عرصے پہلے ڈانس پارٹی میں زخمی بھی ہواتھا۔