عاصم افتخار نئے ترجمان دفترخارجہ مقرر

🗓️ 20 اگست 2021

اسلام آباد (سچ خبریں)پاکستانی وزارت خارجہ نے عاصم افتخار کو نیا ترجمان دفتر خارجہ مقرر کر دیا ہے، سابق  ترجمان دفترخارجہ زاہد حفیظ چوہدری کو تبدیل کرکے آسٹریلیا میں بطور سفیر اپنی ذمہ داریاں سنبھالنے کا عہدہ پر فائز کیا گیا ہے جب کہ آسٹریلیا میں تعینات سفیراب ناروےمیں پاکستانی سفیر ہوں گے۔

تفصیلات کے مطابق وزارتِ خارجہ نے ترجمان دفترخارجہ زاہدحفیظ چوہدری کو تبدیل کرتے ہوئے کہا ہے کہ عاصم افتخار نئے ترجمان دفترخارجہ ہوں گے، زاہد حفیظ آسٹریلیامیں بطور سفیر اپنی ذمہ داریاں سنبھالیں گے، ان کے پاس ڈی جی ساؤتھ ایشیا کا بھی چارج تھا۔

یاد رہے رواں سال فروری میں وزیراعظم عمران خان نےکئی ممالک میں پاکستانی سفیروں کی تعیناتی کی منظوری دی تھی ، جس میں ترجمان دفتر خارجہ زاہدحفیظ کو آسٹریلیا میں ہائی کمشنر تعینات کر دیا گیا ‏تھا جب کہ آسٹریلیا میں تعینات سفیراب ناروےمیں پاکستانی سفیر ہوں گے۔

خیال رہے اگست 2020 میں وزارتِ خارجہ نے عائشہ فاروقی کی جگہ زاہد حفیظ کو دفتر خارجہ کا ترجمان مقرر کیا تھا ، زاہد حفیظ چوہدری وزارتِ خارجہ میں گزشتہ 26 برس سے خدمات انجام دے رہے ہیں۔

انہوں نے بطور ڈائریکٹر جنرل افغانستان، ایران، ترکی اور جوائنٹ سیکریٹری نیشنل سیکیورٹی کے عہدے پر ذمہ داریاں انجام دی ہیں۔زاہد حفیظ چودھری وزارت خارجہ میں بطور ڈائریکٹر جنرل جنوبی (ساوَتھ) ایشیا اور سارک میں تعینات ہوچکے ہیں۔