شوکت ترین کی آڈیو میں کٹ پیسٹ کی گئی یہ کام وہ پہلے بھی کرتے ہیں،اسد عمر

?️ 29 اگست 2022

اسلام آباد: (سچ خبریں) تحریک انصاف کے جنرل سیکرٹری اسد عمر کا کہنا ہے کہ شوکت ترین کی آڈیو میں کٹ پیسٹ کی گئی،آڈیو میں کٹ پیسٹ والا کام یہ پہلے بھی کرتےرہے۔ بین الاقوامی کمٹمنٹ سے متعلق کچھ روز سے شور مچایا جا رہا ہے۔

میڈیا رپورٹس کے مطابق اسد عمر نے وزیر خزانہ خیبر پختو نخوا تیمور جھگڑا کے ہمراہ پریس کانفرنس کے دوران کہا کہ پی ڈی ایم نے ان 3 ماہ میں کیا کیا سب کو علم ہے۔
وزیرخزانہ خیبرپختونخوا تیمور سلیم جھگڑا نے وفاق کو خط لکھا،دو ماہ سے کے پی کے وزیر خزانہ ملاقات کیلئے وقت مانگتے رہے،خط میں لکھا کہ کچھ اقدامات ہیں جو وفاق کو لینے پڑیں گے،یہ کہتے تھے کہ پاکستان کوآئی ایم ایف کے پاس گروی رکھنے جارہے ہیں۔ان کی تقاریر دیکھ لیں انہوں نے کہا یہ ایسٹ انڈیا کمپنی بنانے جارہے ہیں۔اسد عمر کا کہنا تھا کہ یہ طاقت کے نشے میں دھت تھے اور دو ماہ تک ملاقات کیلئے وقت نہیں دیا،خیبر پختو نخوا نے 24 گھنٹے میں وفاق کو مثبت جواب دیا،انہوں نے الزام لگایا کہ پی ڈی ایم نے آخری وقت تک کوشش کی کہ فیٹف کی گرے لسٹ سے نہ نکلیں،پی ڈی ایم والے خود کو وائسرے سمجھ بیٹھے ہیں۔اس وقت بھی نا گہانی آفت ہے اور وزیر اعظم دوسرے ممالک سے پیسے مانگ رے ہیں،وزیر اعظم کیوں نہیں آئی ایم ایف سے کہتے ہیں کہ اس وقت گنجائش دے دیں،امید ہے آئی ایم ایف کا بورڈ آج قرض منظور کرلے گا۔ وزیر خزانہ خبیر پختو نخوا تیمور جھگڑا نے کہا کہ لیکس کا ایک کلچر ہے لیکن میں وہ اسکرین شارٹس لیک نہیں کروں گا،فاٹا کے عوام کو 70 سال تک نظر انداز کیا گیا۔
ہم نے فاٹا کیلئے حفیط شیخ اور شوکت ترین کو بھی خط لکھے تھے،میں نے کئی بار مفتاح اسماعیل کو پیغامات بھیجے،5 پانچ جولائی کو مفتاح اسماعیل سے میٹنگ کی اور تین لائن کا خط دیا۔6 جولائی کو خط پر دستخط کرکے پہنچایا گیا۔ تیمور جھگڑا نے کہا کہ بعد میں وفاقی کابینہ میں ڈسکس ہوا اورکچھ نہیں کیا گیا،فاٹا کے عوام کو قومی دھارے میں لانے کیلئے پیسے خرچ کرنے تھے،مجھے خوف تھا کہ انکی اپنی جماعت انکے پیچھے پڑی ہوئی ہے یہ تبدیل ہو جائیں گے،ہم پر لوگوں کے حق کیلئے آواز اٹھانے پر سوالیہ نشان لگانے ہیں تو لگائیں۔

Short Link

Copied