?️
اسلام آباد:(سچ خبریں) سندھ کے 5 ڈویژنز بشمول کراچی میں باقی نشستوں پر 7 مئی (اتوار) کو ہونے والے ضمنی بلدیاتی انتخابات میں 5 لاکھ سے زائد رجسٹرڈ ووٹرز اپنا حق رائے دہی استعمال کریں گے۔
چیف سیکریٹری ڈاکٹر محمد سہیل راجپوت کی زیر صدارت اجلاس میں پولنگ کے انتظامات کا جائزہ لیا گیا، جس میں صوبائی الیکشن کمشنر اعجاز انور چوہان، ایڈیشنل آئی جی جاوید عالم اوڈھو، سیکریٹری اسکول اور ڈویژنل کمشنر کے علاوہ متعلقہ اضلاع کے ڈپٹی کمشنرز نے شرکت کی۔
اجلاس کو بتایا گیا کہ سندھ بھر کے 292 پولنگ اسٹیشنز کو سیکیورٹی کے لحاظ سے ’انتہائی حساس‘ قرار دیا گیا ہے۔
اجلاس کے بعد جاری اعلامیے کے مطابق چیف سیکریٹری نے اجلاس میں بتایا کہ سندھ حکومت ضمنی انتخابات کے حوالے سے تمام انتظامات مکمل کر رہی ہے، چیف سیکریٹری نے تمام متعلقہ ڈپٹی کمشنرز کو ہدایات دیں کہ پولنگ اسٹیشنز پر تمام تر سہولیات کی دستیابی کو یقینی بنایا جائے۔
انہوں نے اجلاس کو بتایا کہ 7 مئی کو کراچی، حیدرآباد، سکھر، شہید بے نظیر آباد اور لاڑکانہ کے اضلاع میں ہونے والے انتخابات میں 6 لاکھ 90 ہزار 295 افراد اپنا حق رائے دہی استعمال کریں گے۔
اجلاس کو بتایا گیا کہ سندھ بھر میں کل 449 میں سے 292 ’انتہائی حساس‘ پولنگ اسٹیشنز پر سی سی ٹی وی کیمرے نصب کیے جائیں گے۔
جماعت اسلامی نے خاص طور پر کراچی میں پولنگ اسٹیشنز کے اندر اور باہر رینجرز کو تعینات کرنے کا مطالبہ کردیا تاکہ اس عمل میں پُرامن اور شفافیت کو یقینی بنایا جاسکے۔
جماعت اسلامی کراچی نے الیکشن کمیشن آف پاکستان (ای سی پی) کو خط لکھ کر مئی 7 کے انتخابات ’اہم‘ قرار دیتے ہوئے کہا کہ الیکشنز میں حصہ لینے والی جماعتوں کے سخت خدشات ہیں کہ حکمراں جماعت اس عمل کو متاثر کرنے کے لیے ضلعی اور سیکیورٹی انتظامیہ دونوں کو استعمال کر سکتی ہے۔
امیر جماعت اسلامی کراچی حافظ نعیم الرحمٰن پہلے ہی 7 مئی کو ہونے والے انتخابات کے حوالے سے تحفظات کا اظہار کرچکے ہیں کہ ’حکمراں جماعت جعلی اکثریت کے لیے دھاندلی کرسکتی ہے، انہوں نے ای سی پی پر زوردیا کہ وہ پُرامن اور شفاف انتخابی عمل کے لیے اپنا کردار ادا کریں۔
انہوں نے نیو کراچی میں موٹرسائیکل ریلی کے موقع پر خطاب کرتے ہوئے کہا کہ کراچی کی ترقی باقی 11 یونین کونسلز میں جماعت اسلامی کی جیت کے ساتھ منسلک ہے، نیو کراچی میں 3 یونین کونسلز پر انتخابات ہوں گے۔
ان کا کہنا تھا کہ سندھ میں پاکستان پیپلز پارٹی کی حکومت کے غیر جمہوری طریقوں اور فسطائیت ہتھکنڈوں کے باوجود ہماری جماعت نے شہر میں 15 جنوری کو ہونے والے بلدیاتی انتخابات میں تمام حریفوں کے خلاف اپنی مضبوط پوزیشن ثابت کر دی ہے۔
مزید کہا کہ اس لیے 7 مئی کو ہونے والے انتخابات ہمارے لیے آزادانہ اور منصفانہ ووٹنگ کے عمل کو یقینی بنا کر اپنی اکثریت پر مہر لگانے کے لیے بہت ضروری ہے۔
مشہور خبریں۔
عماد مغنیہ کے قتل میں موساد کے ساتھ کئی عرب ممالک کے تعاون کا انکشاف
?️ 22 جنوری 2023سچ خبریں:اگرچہ حزب اللہ کی عسکری شاخ کے کمانڈر عماد مغنیہ کے
جنوری
عمران خان کو قید تنہائی میں رکھا گیا ہے، بیٹوں سے بات کی اجازت بھی نہیں، جمائما گولڈ اسمتھ
?️ 16 اکتوبر 2024اسلام آباد: (سچ خبریں) بانی پی ٹی آئی اور سابق وزیراعظم عمران
اکتوبر
پاکستان سمیت کئی ترقی پذیر ممالک کے جی ایس پی پلس اسٹیس میں 4 سال کی توسیع
?️ 6 اکتوبر 2023اسلام آباد: (سچ خبریں) یورپی پارلیمنٹ نے متفقہ طور پر ترقی پذیر
اکتوبر
امریکہ ہمارے ملکی مسائل میں مداخلت نہ کرے:طالبان
?️ 24 جولائی 2022سچ خبریں:طالبان نے امریکی وزارت خارجہ کے بیان پر رد عمل کا
جولائی
میانوالی: پنجاب پولیس نے فتنہ الخوارج کا تھانے پر حملہ ناکام بنادیا، 4 دہشت گرد ہلاک
?️ 2 دسمبر 2024 میانوالی: (سچ خبریں) پنجاب پولیس نے ضلع میانوالی میں 4 دہشت
دسمبر
نمبرز پورے ہوں گے تو ترمیمی بل منظور ہوگا، چیئرمین سینیٹ
?️ 14 ستمبر 2024کراچی: (سچ خبریں) چیئرمین سینیٹ سید یوسف رضا گیلانی نے کہا ہے
ستمبر
صہیونی حکومت کے گناہوں کا گھڑا بھر چکا ہے؟
?️ 25 جولائی 2023سچ خبریں:سویڈن میں قرآن پاک کو نذر آتش کرنے کے گھناؤنے جرم
جولائی
اسرائیل کا سعودی عرب کے ساتھ تعلقات معمول پر لانے کا خیال سراب میں بدل گیا:رائے الیوم
?️ 13 اپریل 2023سچ خبریں:ایک عرب اخبار نے اپنی ایک رپورٹ میں ایران اور سعودی
اپریل