خیبرپختونخوا: سابق اسپیکر قومی اسمبلی اسد قیصر 9 مئی سے متعلق مقدمے میں دوبارہ گرفتار

?️

پشاور: (سچ خبریں) قومی اسمبلی کے سابق اسپیکر اسد قیصر کو انسداد دہشتگردی کی عدالت سے ضمانت ملنے کے بعد چارسدہ میں درج 9 مئی سے متعلق مقدمے میں دوبارہ گرفتارکر لیا گیا۔

میڈیارپورٹس کے مطابق سینئر اسپیشل جج بابر علی خان نے 80 ہزار روپے کے دو مچلکوں کے عوض اسد قیصر کی ضمانت منظور کی تھی، صوابی اینٹی کرپشن اسٹیبلشمنٹ نے رہنما پی ٹی آئی پر صوابی کے گجو خان میڈیکل کالج میں آلات کی خریداری پر مالی بے ضابطگیوں کا الزام عائد کیا تھا۔

تاہم صوابی جیل سے رہائی کے بعد چارسدہ اور صوابی پولیس کی مشترکہ ٹیم نے مرغوز صوابی سے انہیں گرفتار کر لیا، اور سربراہ پی ٹی آئی عمران خان کی کرپشن کیس میں گرفتاری کے بعد 9 مئی کو ہونے والے ملک گیر پُرتشدد مظاہروں کے دوران پشاور-اسلام آباد موٹر وے پر چارسدہ ٹول پلازہ پر توڑ پھوڑ میں ان کے مبینہ طور پر ملوث ہونے کا حوالہ دیا۔

ڈپٹی سپرٹنڈنٹ آف پولیس (ہیڈ کوارٹرز) جواد خان نے ڈان کو بتایا کہ اسد قیصر کو چارسدہ پولیس کی تحویل میں دے دیا گیا ہے۔

سابق اسپیکر قومی اسمبلی کے بھائی وحید خان نے انکشاف کیا کہ اسد قیصر کو جمعہ (آج) کو مردان میں انسداد دہشت گردی کی عدالت میں پیش ہونا ہے۔

واضح رہے کہ سابق اسپیکر قومی اسمبلی و رہنما پاکستان تحریک انصاف اسد قیصر کو 3 نومبر کو ان کی رہائش گاہ پر اینٹی کرپشن اسٹیبلشمنٹ خیبر پختونخوا اور اسلام آباد پولیس نے مشترکہ طور پر چھاپے کے دوران گرفتار کیا تھا۔

اسد قیصر نے پشاور ہائی کورٹ میں پیٹیشن بھی دائر کی تھی کہ حکومت کو حکم دیا جائے کہ ان کے خلاف جتنے بھی زیر التوا کیس ہیں، ان کی تفصیلات فراہم کی جائیں تاکہ وہ ریلیف کے لیے متعلقہ عدالتوں سے رجوع کر سکیں۔

ان کے گرفتاری کے بعد رہنما پی ٹی آئی نے ویڈیو پیغام میں پارٹی حامیوں پر زور دیا کہ وہ قانونی جدوجہد جاری رکھیں۔

مشہور خبریں۔

عدنان صدیقی بھی بھارتی اداکار کے خیالات سے متفق ہیں

?️ 1 دسمبر 2021کراچی (سچ خبریں)سینئر پاکستانی اداکار عدنان صدیقی بھی  بھارتی اداکار امیتابھ بچن

سندھ میں گذشتہ ماہ میں کورونا سے سب سے زیادہ اموات ریکارڈ

?️ 2 ستمبر 2021کراچی (سچ خبریں) کورونا وائرس کے حوالے سے گفتگو کرتے ہوئے محکمہ

نیتن یاہو "اسرائیلی فوج کی چوری” قانون کی حمایت کرکے اتحادیوں کو بلیک میل کرتا ہے

?️ 13 نومبر 2025سچ خبریں: اسرائیلی فوج میں حریدی مردوں کے لیے سروس سے استثنیٰ

ایران کے میزائل حملے مہلک اور سخت ترین تھے؛صیہونی اپوزیشن لیڈر کا اعتراف 

?️ 15 جون 2025 سچ خبریں:صیہونی اپوزیشن لیڈر یائیر لاپید اور دیگر حکام نے ایران

شکاگو میں امریکی امیگریشن پولیس کی ہلاکت خیز کارروائی!

?️ 13 ستمبر 2025سچ خبریں: امریکی امیگریشن اینڈ کسٹمز انفورسمنٹ (ICE) کے مطابق ان کے اہلکاروں

کورونا سے 66 افراد کا انتقال، 3974 نئے کیسز رپورٹ

?️ 18 اگست 2021اسلام آباد(سچ خبریں) عالمی وبا کورونا وائرس کا قہر جاری ہے ،نیشنل

پی ڈی ایم کے رویے کو دیکھ کر قانونی قدم اٹھائیں گے

?️ 26 جنوری 2022اسلام آباد (سچ خبریں) وفاقی وزیر داخلہ شیخ رشید نے کہا ہے

غزہ پر 15 ماہ کے صیہونی وحشیانہ پن کے ہولناک اعداد و شمار

?️ 21 جنوری 2025سچ خبریں:غزہ میں جنگ بندی کے بعد 15 ماہ میں صیہونیوں کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے