جعلی حکومت، پی ٹی آئی کے امیدواروں کو جعلی مقدمات میں نااہل قرار دے رہی ہے

?️ 31 جولائی 2025

اسلام آباد: (سچ خبریں) مشیراطلاعات خیبرپختونخواہ بیرسٹرسیف نے کہا ہے کہ جعلی حکومت، پی ٹی آئی کے امیدواروں کو جعلی مقدمات میں نااہل قرار دے رہی ہے، پی ٹی آئی امیدواروں کو نااہل کرکے فارم 47 کے ذریعے اپنے امیدوار لانے کی سازش ہے۔ انہوں نے اپنے ردعمل میں کہا کہ نااہل حکومت، پی ٹی آئی کے اہل امیدواروں کو نااہل قرار دے رہی ہے۔

جن امیدواروں کو نااہل قرار دیا گیا، ان کا اصل قصور یہ تھا کہ وہ فارم 45 پر منتخب ہوئے تھے، جعلی حکومت، پی ٹی آئی کے امیدواروں کو جعلی مقدمات میں نااہل قرار دے رہی ہے، پی ٹی آئی کے امیدواروں کو نااہل قرار دینا، فارم 47 کے ذریعے اپنے امیدوار لانے کی سازش ہے، الیکشن کمیشن اب ایک ریاستی ادارہ نہیں بلکہ جعلی حکومت کی بی ٹیم بن چکا ہے۔

جعلی حکومت، 5 اگست کی احتجاجی کال سے بوکھلاہٹ کا شکار ہو چکی ہے۔

جعلی حکومت کے اوچھے ہتھکنڈے پی ٹی آئی کے احتجاج کو نہیں دبا سکتے۔ یہ احتجاج، جعلی حکومت کے سیاسی تابوت میں آخری کیل ثابت ہوگا، اب جعلی حکومت، عمران خان کی رہائی کو مزید نہیں روک سکتی، عوام، عمران خان کی رہائی اور حقیقی آزادی کے لیے پُرجوش ہیں۔ دوسری جانب  قائد حزب اختلاف سینیٹ شبلی فراز کا چیف جسٹس آف پاکستان کو خط لکھ دیا ہے۔

پی ٹی آئی ایکس پر جاری بیان میں کہا گیا کہ سینیٹر شبلی فراز نے 9 مئی کے مقدمات میں عدالتی کارروائیوں پر سنگین تحفظات کا اظہار کیا۔ خط کے متن میں کہا گیا کہ 9 مئی کے مقدمات میں فئیر ٹرائل اور بنیادی انسانی حقوق پامال ہوئے۔ ملزم کو اپنی مرضی کے وکیل کرنے کے حق کی حفاظت کی جائے۔ سماعت کے دوران میڈیا کی رسائی یقینی بنائی جائے۔ پولیس اور استغاثہ کی بددیانتی کی غیرجانبدارانہ تحقیقات کروائی جائیں ۔ قانون کی بالادستی کے بغیر انصاف ممکن نہیں ۔ تمام کیسز کا آئینی اصولوں کے مطابق جائزہ لیا جائے۔ مشکوک مقدمات کو دوبارہ کھولا جائے۔ قائد حزب اختلاف سینیٹ شبلی فراز نے مزید کہا کہ پاکستان میں جمہوریت آئین و قانون کی حکمرانی آپ کی اصولی مداخلت پر منحصر ہے۔