لاہور(سچ خبریں)گورنر پنجاب چوہدری محمد سرور کا یوم استحصال کشمیر پر کہنا ہے کہ کشمیر پاکستان کی شہ رگ ہے، کشمیر میں بھارتی دہشت گردی سے 96 ہزار کشمیری شہید ہوچکے ہیں، بھارتی فوج کشمیر میں دنیا کی سب سے بڑی دہشت گردی کر رہی ہے۔ خطے میں امن کی کنجی مسئلہ کشمیر کے حل میں ہی ہے۔
چوہدری محمد سرور نے یوم استحصال کشمیر کے موقع پر اپنے پیغام میں کہا ہے کہ کشمیر پاکستان کی شہ رگ ہے، کشمیریوں سے ایک لمحے کو بھی دور نہیں ہو سکتے، بھارتی افواج کی دہشت گردی سے 22 ہزار کشمیری خواتین بیوہ ہوچکی ہیں۔
انہوں نے کہا ہے کہ بھارتی افواج نے زیر حراست 7187 کشمیر یوں کو بھی شہید کر دیا، بھارتی فوج کشمیر میں انسانی حقوق اور مذہبی آزادی کاقتل کر رہی ہے، 1لاکھ 8ہزار 731 کشمیری بچے بھارتی مظالم کی وجہ سے یتیم ہوئے ہیں۔
گورنر پنجاب چوہدری محمد سرور کا مزید کہنا تھا کہ کشمیر میں بھارتی مظالم پر دنیا کی خاموشی بھی کسی جرم سے کم نہیں، خطے میں امن کی کنجی مسئلہ کشمیر کے حل میں ہی ہے۔چوہدری محمد سرور نے کہا ہے کہ دنیابھارتی مظالم کا نوٹس لے، جب تک مسئلہ کشمیرحل نہیں ہوگا خطےمیں امن کا خواب پورا نہیں ہوگا۔
