بانی پی ٹی آئی کا کھانا باہر سے آتا ہے اوران کے پاس ٹی وی بھی ہے۔ خواجہ آصف

?️ 26 نومبر 2025

اسلام آباد (سچ خبریں) وفاقی وزیر دفاع خواجہ آصف نے کہاہے کہ بانی پی ٹی آئی کیلئے کھانا باہر سے آتا ہے، بانی پی ٹی آئی کا مینو چیک کریں فائیو اسٹار ہوٹل میں وہ کھانا دستیاب نہیں۔

ایکس پر جاری پیغام میں وزیر دفاع کا کہنا تھا کہ بانی پی ٹی آئی کے پاس ٹی وی ہے اور ورزش کی مشینیں بھی موجود ہیں، ہم تو ٹھنڈے فرش پر سوتے تھے، جنوری کے مہینے تھے ہمارے پاس گرم پانی نہیں تھا، ہمیں کھانا جیل کا ملتا تھا۔

انہوں نے کہا کہ سپرنٹینڈنٹ جیل اسد وڑائچ نے خود صبح آ کے گیزر اتروایا تھا، بانی پی ٹی آئی کو ڈبل بیڈ اور مخملیں بستر میسر ہے۔