این اے 67 حافظ آباد سب سے بڑا حلقہ، این اے 244 کراچی میں کم ترین رجسٹرڈ ووٹرز، فافن رپورٹ

?️ 5 فروری 2024

اسلام آباد: (سچ خبریں)فری اینڈ فیئر الیکشن نیٹ ورک (فافن) نے 8 فروری کو ہونے والے عام انتخابات کے لیے قومی و صوبائی حلقوں کے رجسٹرڈ ووٹرز کے اعداد و شمار جاری کر دیے۔

ملک بھر میں سب سے زیادہ ووٹرز حافظ آباد کے حلقہ این اے 67 میں ہیں جبکہ کراچی کے حلقہ این اے 244 میں ووٹرز کی سب سے کم تعداد ہے۔

فافن کی رپورٹ کے مطابق حافظ آباد کے حلقہ این اے 67 میں 8 لاکھ 10 ہزار 723 رجسٹرڈ ووٹرز ہیں جبکہ کراچی کے حلقہ این اے 244 میں ایک لاکھ 55 ہزار 824 ووٹرز ہیں۔

خیبر پختونخوا میں قومی اسمبلی کا سب سے بڑا حلقہ این اے 18 ہری پور ہے جہاں رجسٹرڈ ووٹرز کی تعداد7 لاکھ 24 ہزار915 ہے، حلقہ این اے 12 کوہستان میں سب سے کم ووٹرز ایک لاکھ 96 ہزار 125 ہیں۔

سندھ میں سانگھڑ کا حلقہ این اے 209 ووٹرز کے اعتبار سے سب سے بڑا حلقہ ہے جہاں 6 لاکھ 7 ہزا 638 رجسٹرڈ ووٹرز ہیں جبکہ کراچی کے حلقہ این اے 244 میں سب سے کم ووٹرز (ایک لاکھ 55 ہزار 824) ہیں۔

بلوچستان میں حلقہ این اے 255 میں سب سے زیادہ 5 لاکھ 32 ہزار 532 ووٹرز ہیں جبکہ کوئٹہ کے حلقہ این اے 264 میں سب سے کم رجسٹرڈ ووٹرز (ایک لاکھ 96 ہزار 752) ہیں۔

اسی طرح پنجاب میں سب سے کم رجسٹرڈ ووٹرز لاہور کے حلقہ این اے 124 میں الیکشن ہیں جہاں رجسٹرڈ ووٹرز کی تعداد 3 لاکھ 10 ہزار 116 ہے جبکہ سب سے زیادہ ووٹرز حافظ آباد کے حلقہ این اے 67 میں ہیں۔

اسلام آباد کے 3 حلقوں میں این اے 47 سب سے بڑا حلقہ ہے، جہاں 4 لاکھ 33 ہزار 202 ووٹرز ہیں، این اے 48 ووٹرز کے اعتبار سے چھوٹا حلقہ ہے جہاں 2 لاکھ 92 ہزار 380 رجسٹرڈ ووٹرز ہیں۔