اسحاق ڈار کے رکن شوگر ایڈوائزری بورڈ ہونے کی خبر درست نہیں۔ عطاتارڑ

?️ 28 جولائی 2025

اسلام آباد (سچ خبریں) وفاقی وزیر اطلاعات عطا تارڑ نے واضح کیا ہے کہ اسحاق ڈار کے رکن شوگر ایڈوائزری بورڈ ہونے کی خبر درست نہیں، کئی لوگ تحقیق کے بغیر بات کرتے ہیں۔

تفصیلات کے مطابق میڈیا سے گفتگو کرتے ہوئے انہوں نے کہا کہ سینیٹ میں ایک سوال کیا گیا جس کا محکمے نے تحریری طور پر جواب دیا، فلور آف دی ہاؤس پرغلط بیانی کی گنجائش نہیں۔ پاکستان واحد ملک ہے جس میں کرپٹو کرنسی کے حوالے سے نظام وضع کیا گیا ہے،پاکستان میں کرپٹو کونسل اوراس سے متعلق قوانین بنائے گئے ہیں۔

ذرائع کے مطابق عطا تارڑ کا مزید کہنا تھا کہ پاکستان میں کرپٹو کی ایک گروتھ ہے،ہمارے دشمن نے کرپٹو پر سوالات اٹھائے ،مفتاح اسماعیل کابھی وہی بیانیہ ہے جو بھارت کررہا ہے،کرپٹو کے حوالےسے باقاعدہ قوانین اور قواعد وضوابط بنائے گئے ہیں۔

انہوں نے کہا کہ ایک ابھرتے ہوئے سیکٹرسے متعلق بغیر تحقیق بات کرنا دشمن کا ایجنڈا ہے، پاکستان کی معیشت مضبوط ہورہی ہے۔