روس جنگ بندی پر رضامند: روسی میڈیا

سچ خبریں:روسی صدارتی محل (کریملن) نے اعلان کیا ہے کہ روس نے امریکی صدر ڈونلڈ ٹرمپ کی طرف سے تجویز کردہ 9 تا 11 مئی کی جنگ بندی کی منصوبہ بندی سے اتفاق کر لیا ہے۔

اس سلسلے میں کریملن کے نائب یوری اوشاکوف نے بتایا کہ ٹرمپ انتظامیہ کے ساتھ ٹیلی فونک رابطوں کے دوران 9 سے 11 مئی تک جنگ بندی اور کیف کے ساتھ ’ایک ہزار کے بدلے ایک ہزار‘ کے فارمولے کے تحت قیدیوں کے تبادلے پر معاہدہ طے پا گیا ہے۔

یوکرین کے صدر ولادیمیر زیلنسکی نے سماجی رابطے کی ویب سائٹ ایکس پر لکھا کہ امریکی فریق کی ثالثی میں جاری مذاکراتی عمل کے تحت، ہمیں روس کی جانب سے ایک ہزار قیدیوں کے بدلے ایک ہزار قیدیوں کی رہائی پر رضامندی مل گئی ہے۔ 9 سے 11 مئی تک جنگ بندی بھی نافذ رہے گی۔