سینیٹ میں اپوزیشن کے ساتھ کیا ہو رہا ہے؟شبلی فراز کی زبانی

?️ 27 جون 2024

سچ خبریں: سینیٹ میں اپوزیشن لیڈر شبلی فراز نے کہا کہ ایوان کو راجواڑہ بنا دیا گیا ہے اور اپوزیشن کو دیوار کے ساتھ لگایا جا رہا ہے۔ سینیٹ اجلاس سے خطاب کرتے ہوئے شبلی فراز نے کہا کہ ایوان میں پریزائیڈنگ افسران کا رویہ مناسب نہیں ہوتا، ہمارے سوالات نظرانداز کر دیے جاتے ہیں، اور یہ صورتحال تشویشناک ہے۔ میں چیئرمین صاحب کو سوالات کی فہرست بھیجوں گا۔

یہ بھی پڑھیں: سینیٹ میں اپوزیشن اراکین کا احتجاج، شور شرابہ، اجلاس ملتوی

شبلی فراز نے مزید کہا کہ کل پیپلز پارٹی کے پارلیمانی لیڈر نے اپوزیشن کو بتائے بغیر قرارداد پیش کر دی۔ اگر ہمیں دکھایا جاتا تو ہم بھی قرارداد کو سپورٹ کرتے۔ انہوں نے کہا کہ ٹھیک ہے، ایوان میں آپ کی تعداد زیادہ ہے مگر جمہوری روایات کا احترام ضروری ہے۔ آج آپ کو ہماری ضرورت نہیں، لیکن کل ہو سکتی ہے، خود کو جمہوری جماعت نہ کہیں اگر آپ ہمیں شامل نہیں کریں گے۔

مزید پڑھیں: اپوزیشن نے وزیردفاع کی تقریر میں خلل کیوں ڈالا؟

اپوزیشن لیڈر کی گفتگو کے دوران شیری رحمان نے بولنے کی کوشش کی، جس پر شبلی فراز نے انہیں ٹوک دیا اور کہا کہ آپ بیچ میں مت بولیں۔ چیئرمین سینٹ نے بھی سینیٹر شیری رحمان کو اپوزیشن لیڈر کی تقریر میں مداخلت سے منع کر دیا۔