پنجاب پولیس کے عجیب و غریب کارنامے

?️ 10 اگست 2024

سچ خبریں: آئی جی پنجاب پولیس ڈاکٹر عثمان انور نے اختیارات کے ناجائز استعمال اور ناقص کارکردگی پر تین ڈی ایس پیز کو معطل کر دیا ہے۔

آئی جی پنجاب نے ڈی ایس پی ہیڈکوارٹرز ساہیوال محمد شہباز گل، ایس ڈی پی او صدر جھنگ محمد اسلم، اور ایس ڈی پی او ننکانہ صاحب سلیم حیدر شاہ کے خلاف کارروائی کرتے ہوئے انہیں معطل کرنے کا حکم جاری کیا، جس کا باقاعدہ نوٹیفکیشن بھی جاری کر دیا گیا ہے۔

یہ بھی پڑھیں: پنجاب پولیس میں تقرری اور تبادلے پر وزیراعلیٰ اور آئی جی میں اختلافات ختم

ترجمان پنجاب پولیس کے مطابق ڈی ایس پی سلیم حیدر شاہ کو کیسز میں ملزمان کو فائدہ پہنچانے اور جھوٹی ایف آئی آر درج کرنے پر معطل کیا گیا ہے۔

ڈی ایس پی محمد اسلم کو دو بےگناہ افراد کو ایف آئی آر میں ناجائز طور پر نامزد کرنے کے الزام میں معطل کیا گیا ہے۔

مزید پڑھیں: پنجاب پولیس چھاپوں کے وقت ملزمان کی گرفتاریوں کی ویڈیولازمی بنائے ،لاہور ہائیکورٹ

جبکہ ڈی ایس پی شہباز گل کو قبضہ مافیا کے ساتھ ملی بھگت کے باعث معطل کیا گیا ہے۔