عوام اور فوج کو کون آمنے سامنے لا رہا ہے؟عمر ایوب کی زبانی

?️ 10 اگست 2024

سچ خبریں: پاکستان تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا ہے کہ 9 مئی کے واقعات کی سی سی ٹی وی فوٹیج کے حصول کے لیے عمران خان قانونی کارروائی کریں گے۔

لاہور کی انسداد دہشت گردی عدالت کے باہر میڈیا سے گفتگو کرتے ہوئے عمر ایوب نے کہا کہ فوج، ایف سی اور انٹیلی جنس ایجنسیز ریاست کے ادارے ہیں اور انہیں اپنے مقررہ دائرہ کار میں رہنا چاہیے، جبکہ سیاستدانوں کا کام آئین کے مطابق سیاست کرنا ہے۔

یہ بھی پڑھیں: دشمن عوام اور فوج کے درمیان دراڑ ڈالنے کی کوششوں میں سرگرم ہے، آرمی چیف

عمر ایوب نے واضح کیا کہ پی ٹی آئی کی کسی سے کوئی ڈیل نہیں ہو رہی۔ انہوں نے عمران خان کا پیغام دیتے ہوئے کہا کہ ن لیگ اور پیپلز پارٹی عوام اور فوج کے درمیان خلا پیدا کرنے کی کوشش کر رہی ہیں،چونکہ یہ الیکشن کا سال ہے، اس لیے الیکشن کمیشن کو مکمل طور پر آزاد ہونا چاہیے۔

اپوزیشن لیڈر نے معاشی مسائل پر بات کرتے ہوئے کہا کہ جس شخص کی تنخواہ 20 یا 25 ہزار روپے ہے، اس کے لیے گزارا کرنا بہت مشکل ہو گیا ہے۔ ملک کو موجودہ بحران سے صرف ایک مضبوط وزیراعظم ہی نکال سکتا ہے، جبکہ فارم 47 کی موجودہ حکومت کچھ کرنے سے قاصر ہے۔

مزید پڑھیں: پاک فوج اور پی ٹی آئی میں کون اختلاف ڈالنا چاہتا ہے؟ عمر ایوب کی زبانی

عمر ایوب نے مزید کہا کہ 9 مئی کے واقعات کی سی سی ٹی وی فوٹیج سامنے لائیں، اور اس فوٹیج کے حصول کے لیے عمران خان قانونی کیس کریں گے۔