دہشت گردی کا مقابلہ کرنے کے لیے بھاری رقم دینے کا شہباز شریف کا جھوٹ: بیرسٹر سیف

?️ 1 جولائی 2024

سچ خبریں: خیبر پختونخوا کے مشیر اطلاعات بیرسٹر سیف نے کہا ہے کہ وزیر اعظم شہباز شریف صوبے کو دہشت گردی کے حوالے سے 590 ارب روپے دینے کے معاملے میں سراسر جھوٹ بول رہے ہیں۔

وزیر اعظم کے بیان پر رد عمل کا اظہار کرتے ہوئے مشیر اطلاعات بیرسٹر سیف نے کہا کہ یہ رقم 2010ء میں سوات آپریشن کے تعمیر و بحالی کے کاموں پر خرچ ہوئی تھی۔ این ایف سی کے تحت بقایاجات تاحال موصول نہیں ہوئے ہیں۔

یہ بھی پڑھیں: فوج، سیاسی قیادت انسداد دہشت گردی پالیسی پر نظرثانی کیلئے متفق

انہوں نے کہا کہ نااہل لوگ دہشت گردی جیسے اہم معاملے پر بھی سیاست کر رہے ہیں۔ عزم استحکام کے حوالے سے بھی نااہل افراد نے فوج اور عوام میں دوریاں پیدا کرنے کی کوشش کی۔ دہشت گردی صرف خیبر پختونخوا کا مسئلہ نہیں، بلکہ پورے ملک کا مسئلہ ہے۔

مزید پڑھیں: دہشت گردی کا مقابلہ کسی ایک سیاسی جماعت نے نہیں، سب نے مل کر کرنا ہے، بلاول بھٹو

بیرسٹر سیف کا کہنا تھا کہ دہشت گردی کا خاتمہ صوبے سے زیادہ وفاق کی ذمہ داری ہے کیونکہ بارڈرز وفاق کے زیر انتظام ہیں۔ وفاق نے دہشت گردی سمیت ہر معاملے میں معاشی طور پر صوبے کے ساتھ سوتیلی ماں جیسا سلوک کیا ہے۔