وزیر اعلیٰ پنجاب کا ارشد ندیم کو تحفہ

10 اگست 2024

سچ خبریں: پیرس اولمپکس میں پاکستان کے لیے 40 سال بعد گولڈ میڈل جیتنے پر صوبہ پنجاب کی وزیر اعلیٰ مریم نواز نے جیولین تھرو کے ماہر ارشد ندیم کے لیے 10 کروڑ روپے کے انعام کا اعلان کیا ہے۔

وزیر اعلیٰ پنجاب نے اپنے بیان میں کہا کہ ارشد ندیم نے جشن آزادی کے موقع پر گولڈ میڈل جیت کر قوم کو ایک قیمتی تحفہ دیا ہے۔

یہ بھی پڑھیں: ارشد ندیم کی تاریخی کامیابی پر قومی اسمبلی کا ردعمل

انہوں نے تمام مشکلات کے باوجود 40 سال بعد پاکستان کے لیے گولڈ میڈل حاصل کیا ہے، جو قوم کے لیے بے حد فخر کا باعث ہے۔

مزید برآں، وزیر اعلیٰ پنجاب نے ارشد ندیم کے نام سے منسوب ایک اسپورٹس سٹی بنانے کا بھی اعلان کیا ہے۔

مزید پڑھیں: بیرسٹر سیف کی ارشد ندیم کی کامیابی پر قوم کو مبارکباد

اس سے قبل، سندھ حکومت نے ارشد ندیم کے لیے 5 کروڑ روپے، جبکہ گورنر سندھ اور گورنر پنجاب نے 20، 20 لاکھ روپے کے انعامات کا اعلان کیا تھا۔