کیا تحریک تحفظ آئین پاکستان اتحاد اور حکومتی اتحاد کے درمیان مذاکرات ہونے والے ہیں؟

🗓️ 3 اگست 2024

سچ خبریں: تحریک تحفظ آئین پاکستان کی جانب سے مسلم لیگ ن اور پیپلز پارٹی سے باضابطہ رابطہ کیا جائے گا۔

تفصیلات کے مطابق محمود خان اچکزئی کی قیادت میں اپوزیشن اتحاد جلد حکومتی اتحادیوں سے رابطہ کرے گا۔

ذرائع نے بتایا کہ تحریک تحفظ آئین پاکستان مسلم لیگ (ن) اور پیپلز پارٹی سے باضابطہ طور پر رابطہ کرے گی۔

یہ بھی پڑھیں: حکومت مخالف جماعتوں کا اہم اجلاس، آئین بحالی کیلئے ملک گیر مہم چلانے کا فیصلہ

ذرائع کا کہنا ہے کہ سابق وزیراعظم اور مسلم لیگ (ن) کے صدر نواز شریف اور صدر مملکت آصف علی زرداری سے مذاکرات کے لیے آئندہ ہفتے رابطے کیے جانے کا امکان ہے۔

ان مذاکرات کے سلسلے میں محمود خان اچکزئی سیاسی جماعتوں سے مشاورت کریں گے۔

یاد رہے کہ اپوزیشن اتحاد تحریک تحفظ آئین پاکستان چھ جماعتوں پر مشتمل ہے۔

مزید پڑھیں: بلوچستان: پشین میں اپوزیشن اتحاد کا جلسہ، تحریک تحفظ آئین پاکستان کا اعلان

اس اتحاد میں پاکستان تحریک انصاف، پشتونخوا ملی عوامی پارٹی، جماعت اسلامی، بلوچستان نیشنل پارٹی مینگل، سنی اتحاد کونسل اور مجلس وحدت مسلمین شامل ہیں۔