کیا پی ٹی آئی کا مخصوص نشستوں کی فہرست تبدیل کر رہی ہے؟

?️ 17 جولائی 2024

سچ خبریں: پاکستان تحریک انصاف نے مخصوص نشستوں کی فہرست کو تبدیل کرنے کا فیصلہ کرلیا ہے اور پرانی فہرست میں شامل ناموں کی تبدیلی پر مشاورت کا آغاز ہو چکا ہے۔

پارٹی ذرائع کے مطابق مخصوص نشستوں کے لیے دی گئی فہرست کو تبدیل کیا جائے گا، اور اس سلسلے میں پرانی فہرست میں شامل ناموں کی تبدیلی پر مشاورت کا آغاز ہو چکا ہے۔

یہ بھی پڑھیں: خیبرپختونخوا: مخصوص نشستوں پر حلف برداری کا کیس، اسپیکر کو ممبران سے حلف لینے کا حکم

ذرائع نے بتایا کہ مخصوص نشستوں پر خواتین اور اقلیتی امیدواروں کی فہرست میں تبدیلی کی جائے گی، اور بانی پی ٹی آئی عمران خان کے سامنے تبدیل شدہ فہرست اور نام پیش کیے جائیں گے۔

ذرائع کا کہنا ہے کہ پارٹی کی سینئر قیادت کو سابقہ فہرست میں موجود چند ناموں پر تحفظات ہیں۔

مزید پڑھیں: سنی اتحاد کونسل کی مخصوص نشستیں دوسری جماعتوں کو دینے کا پشاور ہائیکورٹ کا فیصلہ معطل

پی ٹی آئی چیئرمین بیرسٹر گوہر نے مخصوص نشستوں کے لیے نئی فہرست تیار کرنے کی تصدیق کرتے ہوئے کہا کہ مخصوص نشستوں کے لیے نئی فہرست کی حتمی منظوری بانی پی ٹی آئی دیں گے اس کے بعد ہی فہرست منظر عام پر آئے گی۔