حسینہ واجد کا قدم، امیر جماعت اسلامی کی زبانی

?️ 6 اگست 2024

سچ خبریں: امیر جماعت اسلامی حافظ نعیم نے کہا ہے کہ حسینہ واجد نے طاقت کے زور پر حکومت کی اور اپنے ہم وطنوں کو اپنا مخالف بنا لیا۔

حافظ نعیم نےسوشل میڈیا پر بنگلا دیش کی صورت حال کے بارے میں ردعمل کا اظہار کرتے ہوئے کہا کہ 15 سالہ جبر اور بھارت نواز حکومت کا دور ختم ہو چکا ہے۔

یہ بھی پڑھیں: بنگلہ دیش نہایت نازک صورتحال میں

انہوں نے کہا کہ ر حسینہ واجد نے بنگلا دیش پر بھارت کے اثر و رسوخ کو مسلط کر رکھا تھا، جو کچھ ہوا وہ ناقابل تصور تھا۔

انہوں نے مزید کہا کہ حسینہ واجد نے اپنی حکومت کو بھارت کی مدد سے مضبوط کیا، عوام کی آواز دبائی اور اپنے مخالفین کو کچلا۔

امیر جماعت اسلامی نے کہا کہ ان کی فاشسٹ حکومت کا خاتمہ بنگلا دیشی عوام کی قربانیوں اور جدوجہد کا نتیجہ ہے۔

امیر جماعت اسلامی کا کہنا تھا کہ دعا ہے کہ بنگلادیش کے عوام کی جدوجہد ملک میں استحکام کا سبب بنے اور ہم بنگلادیش میں خوشحالی اور حقیقی جمہوریت کی واپسی کے لیے دعاگو ہیں۔

مزید پڑھیں: بنگلہ دیش کی صورتحال

یاد رہے کہ بنگلادیش میں ایک ماہ سے جاری پرتشدد مظاہروں اور ان میں سیکڑوں ہلاکتوں کے بعد بنگلادیشی وزیراعظم شیخ حسینہ واجد استعفیٰ دے کر ملک سے فرار ہو گئی ہیں۔