عوام اور ملک کے مستقبل کے ساتھ معاشی دہشت گردی؛ عمر ایوب کی زبانی

🗓️ 22 جون 2024

سچ خبریں: قومی اسمبلی میں قائد حزب اختلاف عمر ایوب نے نئے مالی سال کے بجٹ کو ‘ڈڈو بجٹ’ قرار دیتے ہوئے کہا کہ یہ بجٹ درحقیقت پاکستان کے عوام اور مستقبل کے ساتھ معاشی دہشت گردی ہے۔

قومی اسمبلی میں قائد حزب اختلاف عمر ایوب نے نئے مالی سال کے بجٹ کو ‘ڈڈو بجٹ’ قرار دیتے ہوئے کہا کہ یہ بجٹ درحقیقت پاکستان کے عوام اور مستقبل کے ساتھ معاشی دہشت گردی ہے۔ ان کا کہنا تھا کہ اس بجٹ کی کہانی کا آغاز ‘ووٹ کو عزت دو’ کے بیانیے سے ہوا اور اختتام ‘بوٹ کو عزت دو’ پر ہوا۔

یہ بھی پڑھیں: یوٹیلیٹی اسٹورز کارپوریشن نے وزیراعظم پیکیج کیلئے بجٹ میں 85 ارب روپے مانگ لیے

قومی اسمبلی میں بجٹ پر بحث

نئے مالی سال کے بجٹ پر بحث کا آغاز کرتے ہوئے عمر ایوب نے کہا کہ اس بجٹ کی کہانی ‘ووٹ کو عزت دو’ کے بیانیے سے شروع ہوئی اور ‘بوٹ کو عزت دو’ پر ختم ہوئی۔

‘ڈڈو بجٹ’ کی تشبیہ

انہوں نے کہا کہ ہم مینڈک کو دیسی زبان میں ‘ڈڈو’ کہتے ہیں اور یہ بجٹ ‘ڈڈو بجٹ’ سے زیادہ کچھ نہیں ہے۔ یہ بجٹ عوام کے ساتھ فراڈ ہے، یہ عوام کے ساتھ دھوکہ ہے، اور یہ بجٹ درحقیقت پاکستان کے عوام اور مستقبل کے ساتھ معاشی دہشت گردی ہے۔

اکنامک ہٹ مین کی تخلیق

عمر ایوب نے الزام لگایا کہ یہ بجٹ اکنامک ہٹ مین کے ذریعے بنایا گیا ہے جو ملک کی بنیادیں ہلا دینا چاہتے ہیں۔ وہ متعدد بار یہاں آئے اور اپنے پیچھے کھنڈرات چھوڑ کر گئے۔

عمران خان کی دور اندیشی

انہوں نے کہا کہ کووڈ میں عمران خان کی دور اندیشی تھی کہ انہوں نے لاک ڈاؤن نہیں کیا، جب کہ پڑوسی ملک میں لوگ بھوک سے مرتے رہے۔ ہمیں خزانہ خالی ملنے کے باوجود منفی سے ابتدا ہوئی، اور عمران خان نے ملک کو اس کنویں سے نکالا۔ جس وقت پاکستان کے خلاف سازش ہوئی، اکنامک ہٹ مین نے سازش کی، اس وقت ہماری حکومت کو ہٹایا گیا اور جی ڈی پی کی گروتھ 6 فیصد تھی۔

لندن پلان اور معیشت کی تباہی

عمر ایوب کا کہنا تھا کہ لندن پلان کے ذریعے تحریک عدم اعتماد لا کر معیشت کو ڈی ریل کیا گیا اور نتیجہ یہ ‘ڈڈو بجٹ’ نکلا۔ پاکستان کی 50 سالہ تاریخ میں سب سے کم سرمایہ کاری پی ڈی ایم کے دور حکومت میں ہوئی۔

عمران خان کے پیچھے قوم

انہوں نے کہا کہ اس بجٹ میں حکومت نے خود گڈھا کھودا، قبر میں جا کر لیٹے ہیں اور اپنے اوپر مٹی ڈال کر کہہ رہے ہیں کہ ہمیں بچاؤ۔ بچانے والا شخص ایک ہے اور اس کا نام عمران خان ہے، جس کے پیچھے پوری قوم یکسوئی کے ساتھ کھڑے ہو کر سخت اقدامات کر سکتی ہے۔

عوام کی حمایت

عمر ایوب نے کہا کہ اگر عمران خان کہیں کہ پیٹ پر پتھر باندھنا ہے تو تمام پاکستانی عوام لبیک کہہ کر پیٹ پر پتھر باندھیں گے۔ لیکن اگر موجودہ حکومت کہے تو لوگ کہیں گے کہ پہلے اپنا پیٹ تو اندر کرو، جو مال بنایا ہے پہلے وہ اُگلو، پھر ہم بات کریں گے۔

غیرقانونی بجٹ

ان کا کہنا تھا کہ یہ بجٹ کی شکل میں غیرقانونی دستاویز پیش کی گئی ہے۔ وزیر خزانہ نے صرف بجٹ تقریر کی، بجٹ کی تفصیلات کی حامل دستاویز پیش نہیں کی گئی، جو رولز کی خلاف ورزی ہے۔

حکومت کی حقیقت

عمر ایوب نے کہا کہ یہ حکومت فارم 47 کی پیداوار ہے۔ یہاں سفارتخانوں میں چلے جائیں تو لوگ جانتے ہیں کہ اگر کسی نے عوام کی ترجمانی کی ہے تو وہ عمران خان اور تحریک انصاف ہے۔

مزید پڑھیں: بجٹ 2025-2024: حکومت کا امیروں کے لیے ٹیکس استثنٰی واپس لینے کی تجویز پر غور

پیپلز پارٹی کی حمایت پر سوال

تحریک انصاف کے رہنما نے سوال کیا کہ کیا پیپلز پارٹی اس بجٹ کی حمایت کرے گی؟ کیا وہ اس پر ووٹ کریں گے؟ اگر ایسا نہیں ہوا تو یہ حکومت چل نہیں سکے گی، اور بجٹ پاس نہیں ہو سکے گا۔ ایک غیرقانونی اور عوام دشمن بجٹ نہیں چل سکے گا۔