دوران چارجنگ فون کا استعمال خطرناک ثابت ہو سکتا ہے

?️ 11 ستمبر 2021

سیئول(سچ خبریں) دوران چارجنگ فون کا استعمال کتنا بہت خطرناک ثابت ہو سکتا ہے ،اسمارٹ فون کی بیٹری ختم ہونے کے بعد اکثر صارفین چارجنگ کے دوران ہی موبائل فون استعمال کرنا شروع کردیتے ہیں لیکن وہ یہ نہیں جانتے کہ  احتیاط کے بغیر دوران چارجنگ فون کا استعمال خطرناک ثابت ہوسکتا ہے۔

اگر آپ دوران چارجنگ فون کا استعمال کرنا چاہتے ہیں تو ان باتوں کا خیال ضرور رکھیں۔دوران چارجنگ موبائل فون استعمال کرتے وقت غیرضروری ایپلی کیشن کو بند کردیں، صرف اور صرف ضرورت کی ایپس کو آن رکھیں۔

اس دوران موبائل میں ویڈیو کبھی نہ بنائیں جس کی وجہ یہ ہے کہ ویڈیو بناتے وقت موبائل زیادہ بیٹری کو استعمال کرتا ہے اور موبائل فون کے پھٹنے کا خدشہ ہوتا ہے۔چارجنگ کے دوران موبائل کو ہر گز اپ ڈیٹ نہ کریں کیونکہ اس سے موبائل کے پروسیسر کی رفتار میں بھی کمی ہوتی ہے اور فون خراب بھی ہوسکتا ہے۔

خیال رہے کہ اس دوران آپ فون کال پر بات کرنے سے گریز کریں۔اگر آپ کو فون چارجنگ کے دوران موبائل استعمال کرنا چاہتے ہیں تو ضروری ہے کہ آپ صرف اور صرف میسج کی حد تک استعمال کریں۔دوران چارجنگ فون  استعمال کرنے کے بہت سے ایسے خطرناک واقعات رونما ہوئے جن سے صارفین کو بہت بڑا نقصان ہوا ہے۔