امریکا کے بڑے بڑے شہر زمین میں دھنسنے کے قریب

ایک حالیہ مطالعہ میں امریکا کے 28 بڑے شہروں کا تجزیہ کیا گیا جن میں سے ہر ایک میں زمین کے دھنسنے کے آثار پائے گئے۔ ان شہروں میں شامل ہیں:

ہیوسٹن: سب سے تیزی سے دھنسنے والا شہر جہاں بعض علاقے سالانہ 5 سینٹی میٹر تک نیچے جا رہے ہیں۔

نیویارک، شکاگو، سیئٹل، ڈینوَر: ان شہروں کی زمین سالانہ تقریباً 2 ملی میٹر کی رفتار سے دھنس رہی ہے۔

ڈلاس، فورٹ ورتھ، کولمبیا: یہاں زمین کے دھنسنے کی رفتار 4 ملی میٹر سالانہ سے زیادہ ہے۔

دوسری جانب امریکا کے ساحلی علاقوں میں 2050 تک سمندر کی سطح میں 25 سے 30 سینٹی میٹر تک اضافہ متوقع ہے جو ساحلی شہروں میں تباہ کن سیلابوں کے امکانات کو بڑھا رہا ہے۔

بنیادی وجوہات

1) زیر زمین پانی کا زیادہ استعمال: زمین کے نیچے سے پانی نکالنے سے زمین کی سطح نیچے بیٹھ جاتی ہے۔

2) تیل اور گیس کی نکاسی: ان وسائل کے نکالنے سے زمین کی ساخت متاثر ہوتی ہے۔

3) عمارتوں کا وزن: بھاری عمارتیں زمین پر دباؤ ڈالتی ہیں، جس سے زمین دھنس سکتی ہے۔

4) آب و ہوا کی تبدیلی: شدید بارشیں اور طوفان زمین کے استحکام کو متاثر کرتے ہیں۔