یوکرین کے حوالے سے سہ فریقی مذاکرات ملتوی

سچ خبریں:خبر رساں ادارے تاس نے ایک روسی ذریعے کے حوالے سے بتایا ہے کہ یوکرین کے بارے میں ہونے والی سہ فریقی ملاقات کو موخر کر دیا گیا ہے۔

واضح رہے کہ یہ نشست اب مارچ کے اوائل میں متوقع ہے اور اس کے انعقاد کی جگہ کے تعین کے لیے مشاورت جاری ہے۔

روس ٹوڈے کے مطابق، خبر رساں ادارے ریا نووستی نے ایک سفارتی ذریعے کے حوالے سے بتایا کہ یوکرین پر ہونے والی سہ فریقی مذاکرات کا اگلا دور جنیوا میں منعقد نہیں ہو سکتا۔

ادھر، یوکرین کے صدر ولادیمیر زیلنسکی نے اعلان کیا ہے کہ انہوں نے امریکی صدر ڈونلڈ ٹرمپ، ان کے خصوصی ایلچی اسٹیو وٹکاف اور داماد جیرڈ کشنر کے ساتھ بات چیت کی ہے۔ اس گفتگو میں مارچ کے اوائل میں متوقع سہ فریقی مذاکراتی ٹیموں کے اجلاس سے متعلق تیاریوں پر تبادلہ خیال کیا گیا۔