سچ خبریں:یمنی سپریم پولیٹیکل کونسل کے سربراہ نے اس ملک کے شہریوں کی خدمت کے لیے کوششیں تیز کرنے کی ضرورت پر زور دیتے ہوئے اعلان کیا کہ یمن میں ہمارے انقلاب کا عنوان آزادی اور تسلط سے چھٹکارا پانا ہے۔
المسیرہ نیوز ویب سائٹ کی رپورٹ کے مطابق یمنی سپریم پولیٹیکل کونسل کے چیئرمین مہدی المشاط نے کل کابینہ کے اجلاس میں کہا کہ آزادی اور تسلط سے نجات حاصل کرنا یمن میں ہمارے انقلاب کا عنوان ہے اور ہمیں فتح حاصل ہونے تک ثابت قدم رہنا چاہیے، انہوں نے مزید کہا کہ یمنی عوام کی تمام قربانیوں کے پیش نظر ہم میں سے ہر ایک کی ذمہ داری ہے کہ وہ کامیابیوں کو حاصل کرنے کے لیے اپنے کام پر زیادہ توجہ دے۔
انھوں نے کہا کہ ہمیں اپنے شہریوں کی خدمت کے لیے حکومتی اداروں میں کام جاری رکھنا اور اصلاحات کی ضرورت ہےجو میدان جنگ میں جنگ ذمہ داری کی لڑائی کے مترادف ہے ، مہدی المشاط نے مزید کہا کہ ہماری قوم کے جشن انقلاب کے موقع پر میں حکومت کے تمام وزراء سے مطالبہ کرتا ہوں کہ وہ اپنی کارکردگی اور صورتحال کا جائزہ لیں نیز اپنے مثبت نکات کو توسیع دیتے ہوئے اور ناکامی کے پہلوؤں پر غور کریں۔
انہوں نے مزید کہا کہ ہر ایک کو معلوم ہونا چاہیے کہ ہم غیر معمولی حالات میں رہتے ہیں اور ہمیں تمام تر تکلیفوں اور چیلنجوں کے باوجود حل تلاش کرنے اور متبادل بنانے کی کوشش کرنی چاہیے، ہم اس وقت ایک دوراہے پر ہیں یا تو ہم تمام مشکلات کے باوجود اپنا ملک کو سنبھالیں یاپھر ہتھیار ڈال دیں جبکہ سب کو معلوم ہونا چاہیے کہ ہتھیار ڈالنے کی کیاقیمت چکانا پڑے گی۔
یمنی سپریم پولیٹیکل کونسل کے سربراہ نے اس بات پر زور دیا کہ ہمارے پاس چیلنجز کا سامنا کرنے اور اصلاحات کو جاری رکھنے نیز شہریوں کی خدمت کے لیے سرکاری اداروں کو فعال اور شفاف کرنے کے سوا کوئی چارہ نہیں ہے۔