یمن کے اعلیٰ سیاسی کونسل کا سعودی حکومت کو اس کے جرائم کے نتائج پر انتباہ

سچ خبریں: یمن کی اعلیٰ سیاسی کونسل نے الجوف میں قیدیوں پر سعودی حکومت کی بمباری کے جرم کو شدید الفاظ میں مذمت کرتے ہوئے اس رژیم کو اس کے نتائج کا مکمل ذمہ دار قرار دیا ہے۔

کونسل کے بیان میں کہا گیا ہے کہ ہم اس جرم کو ایک انتہائی خطرناک پیش رفت سمجھتے ہیں، جس کی مکمل ذمہ داری اور اس کے نتائج سعودی دشمن پر عائد ہوتے ہیں۔

بیان میں مزید کہا گیا کہ شہریوں اور قیدیوں کو نشانہ بنانا اور جمہوریہ یمن کی خودمختاری کی خلاف ورزی کبھی بھی بے سزا نہیں رہے گی۔

بیان میں تاکید کی گئیکہ یمن اپنے عوام، خودمختاری اور مفادات کے دفاع کے اپنے مکمل اور جائز حق کے تحت سعودی جارحیت میں اضافے کے سامنے کبھی ہاتھ پر ہاتھ دھرے بیٹھا نہیں رہے گا۔

کونسل نے مزید کہا کہ سعودی رژیم کو یہ بات سمجھ لینی چاہیے کہ اس کی جارحیت میں کوئی بھی اضافہ اس کے نتائج کا باعث بنے گا، اور اگر اس نے یہی طریقہ جاری رکھا تو صورتحال ایک نئے مرحلے میں داخل ہو جائے گی جس کے مکمل نتائج کا ذمہ دار سعودی دشمن خود ہو گا۔