کیا مقدس کتابوں کی توہین آزادی بیان ہے؟

7 اگست 2023

سچ خبریں: عراق کے وزیر اعظم نے قرآن پاک کی توہین کی مذمت میں انسانی حقوق کے ہائی کمشنر کی کوششوں کو سراہتے ہوئے کہا کہ مقدس چیزوں کی توہین آزادی بیان کے تصور سے متصادم ہے اور تفرقہ کو ہوا دینے کی کوشش ہے۔

عراق کے وزیر اعظم نے اقوام متحدہ کے ہائی کمشنر برائے انسانی حقوق وولکر ترک اور ان کے ساتھ آنے والے وفد سے ملاقات کی،اس وفد میں اس کمیشن کے ایشیا، بحرالکاہل، مغربی ایشیا اور شمالی افریقہ کے خطے کے سربراہ فرانسسکو موٹا، کمیشن کی ترجمان رفینہ شمدسانی اور اقوام متحدہ کی نمائندہ جینین ہینس پلسکارٹ شامل تھیں،اس دوران عراق میں اقوام متحدہ کے جنرل سکریٹری جنرل کے نمائندہ بھی موجود تھے۔

یہ بھی پڑھیں: سید حسن نصراللہ نے قرآن پاک کی توہین کرنے والے کے بارے میں کیا کہا؟

عراق کی الفرات نیوز ویب سائٹ نے اتوار کے روز اطلاع دی ہے کہ محمد شیعاع السوڈانی نے اس سفر کو سراہتے ہوئے جو تمام عراقی عوام کے لیے حمایت کا پیغام ہے اور انسانی حقوق کی ضمانت کے لیے تعاون اور کوششوں کو جاری رکھنے کی ترغیب ہے، کہا کہ اقوام متحدہ کے ہائی کمشنر برائے انسانی حقوق کا پہلا دورہ عراق ہے۔

اقوام متحدہ کے انسانی حقوق کے نمائندے کے ساتھ ملاقات میں عراقی وزیر اعظم نے کہا کہ عراقی عوام نے آمرانہ حکومت کے دوران بہت زیادہ مصائب برداشت کیے، اسی وجہ سے وہ انسانی حقوق کا دوسروں سے زیادہ احترام کرتے ہیں۔

السوڈانی نے قرآن پاک کی بار بار توہین کی مذمت میں انسانی حقوق کے ہائی کمشنر کی کوششوں کو سراہتے ہوئے کہا کہ یہ اقدام آزادی بیان کے تصور سے متصادم ہے بلکہ دوسری مذہب کی توہین اور تفرقہ بھڑکانے کی کوشش ہے۔

مزید پڑھیں: سویڈن میں قرآن پاک کی توہین پر عرب ممالک کا ردعمل

اقوام متحدہ کے ہائی کمشنر برائے انسانی حقوق نے عراق میں اس کمشنر کے دفتر کے کام میں تعاون اور سہولت فراہم کرنے میں السوڈانی کے موقف کو سراہتے ہوئے تاکید کی کہ عراق متعدد قوموں کا حامل ملک ہے اور یہ اس ملک کے لیے پوری تاریخ میں ایک مضبوط عنصر رہا ہے۔

آخر میں اقوام متحدہ کے اس عہدیدار نے قومی مکالمے کو مضبوط بنانے اور ماضی کے تمام بحرانوں میں لاپتہ افراد کی صورتحال کو واضح کرنے کی کوشش پر زور دیا۔