کویت کے 83 سالہ امیر کی پارلیمنٹ کے خلاف غیر معمولی کارروائی

🗓️ 12 مئی 2024

سچ خبریں: امیر کویت نے ایک غیر معمولی اقدام میں اس ملک کی پارلیمنٹ کو تحلیل کرنے کا حکم دیا، جس کا پہلا اجلاس ابھی منعقد نہیں ہوا تھا،ایسا اقدام جس کا یقیناً سعودی عرب نے خیر مقدم کیا۔

کویت کے امیر نے ایک غیر معمولی اقدام کرتے ہوئے پارلیمنٹ کو تحلیل کرنے کا حکم دے دیا جس کا پہلا اجلاس ابھی منعقد نہیں ہوا، اس کالم میں امیر کویت کے اقدامات کی وجوہات اور پیغامات کا جائزہ لیا گیا ہے۔

یہ بھی پڑھیں: کویتی عوام کا فلسطینی عوام کے ساتھ یکجہتی کا اعلان

کویت رقبہ 17818 مربع میٹر ہے، یہ مغربی ایشیا میں واقع ہے جس کی زمینی سرحدیں عراق اور سعودی عرب کے ساتھ ملتی ہیں جبکہ خلیج فارس کے راستے ایران کے ساتھ آبی سرحد ملتی ہے،اس ملک نے 1961 میں آزادی حاصل کی اور 25 فروری کو اس ملک کی آزادی کی سالگرہ ہے، اس ملک میں شاہی حکومت ہے، یہاں کے آئین کے مطابق، اقتدار آل صباح خاندان میں موروثی ہے۔

کویت کی حکومت مقننہ، عدلیہ اور ایگزیکٹو کی تین شاخوں پر مشتمل ہے، جو ایک دوسرے سے الگ ہیں، اور ایک مشاورتی کونسل۔ ریاستی امور میں کویت کے امیر کی مدد کرتی ہے، آئین کے مطابق حکومت کی سرگرمیوں کو کویت کی قومی اسمبلی کنٹرول کرتی ہے جو جولائی 1963 میں 50 ارکان کے ساتھ تشکیل دی گئی، تاہم اس وقت اسمبلی کے ارکان کی تعداد 65 ہے جن میں سے 15 حکومتی ارکان ہیں۔

پارلیمنٹ کی تحلیل اور اس ملک میں انتہائی سیاسی انتشار
کویت کی قومی اسمبلی اس ملک کا اہم قانون ساز ادارہ ہے، کویتی آئین کے مطابق، اس ملک کی پارلیمنٹ کو قوانین کی منظوری یا مسترد کرنے کے حق کے علاوہ وزیر اعظم اور وزراء سے سوال کرنے اور اعتماد کا ووٹ نہ دینے یا اعلیٰ حکومتی عہدیداروں کا مواخذہ کرنے کا بھی حق ہے۔

تاہم، کویت میں پارلیمنٹ کی زندگی ہمیشہ مختصر رہی ہے جو 4 سال بھی نہیں رہی ہے، 1991 کے بعد سے پارلیمانی انتخابات تقریباً ہر دو سال بعد ہوتے رہے ہیں اور صرف 3 پارلیمانیں مکمل طور پر کام کر سکیں، یعنی 1992، 1999 اور 2016 میں، گزشتہ 12 سالوں میں 3 بار پارلیمانی انتخابات منسوخ ہوئے، انتخابات کو منسوخ کرنے اور نئی پارلیمنٹ کی تشکیل کو روکنے کی وجہ اپوزیشن کی پارلیمانی نشستوں کی اکثریت حاصل کرنے میں کامیابی تھی۔ صرف 4 سال سے بھی کم عرصے میں 4 انتخابات 5 دسمبر 2020، 29 ستمبر 2022، 6 جون 2023 اور 4 اپریل 2024 کو ہوئے ہیں۔

کویت میں سیاسی بحران اور پارلیمنٹ کی بار بار تحلیل ہونے سے اس ملک میں حکومت سازی بھی متاثر ہوئی ہے، 1962 سے اب تک کویت میں 46 حکومتیں بن چکی ہیں، 1962 سے 1991 تک 14 حکومتیں، 1991 سے 2012 تک 14 حکومتیں اور 2012 سے اب تک 18 حکومتیں بنیں۔

دوسرے لفظوں میں یوں کہا جائے جب کویت میں 50 سالوں میں 28 حکومتیں بنیں تو اس ملک میں حکومتوں کی اوسط زندگی ایک سال 8 ماہ تھی جبکہ گزشتہ 12 سالوں میں حکومتوں کی اوسط زندگی 7 ماہ سے بھی کم رہ گئی ہے جو خاندانوں اور قبائل کے زیرانتظام خلیج فارس کے اس چھوٹے سے ملک میں سیاسی انتشار اورسنگین صورتحال کی نشاندہی کرتی ہے۔

جو پارلیمنٹ ابھی تک نہیں بن سکی اسے کیوں تحلیل کیا گیا؟
گزشتہ اپریل میں کویت میں پارلیمانی انتخابات ہوئے، پارلیمنٹ کا پہلا اجلاس ہونا تھا لیکن کویت کے امیر کے حکم پر اور آرٹیکل 106 کی بنیاد پر اسے ملتوی کر دیا گیا، جب کہ پارلیمنٹ کا پہلا اجلاس متوقع تھا، کویت کے امیر شیخ مشعل الاحمد نے پارلیمنٹ کو تحلیل کرنے کا حکم دیا۔

درحقیقت، کویت کی 2024 کی پارلیمنٹ وہ پہلی پارلیمنٹ ہے جسے اپنے افتتاحی اجلاس سے پہلے ہی تحلیل کر دیا گیا ،کویت کے آئین کے اصول 102 اور 107 کے مطابق اس ملک کے امیر کو یہ حق حاصل ہے کہ وہ اس ملک کی پارلیمنٹ کو کافی ثبوت پیش کر کے تحلیل کر دے، تاہم پارلیمانی انتخابات پارلیمنٹ کی تحلیل کے بعد دو ماہ کے اندر اندر کرائے جانے چاہئیں۔

مزید پڑھیں: کویت کے امیر نے پارلیمنٹ کو منحل کیوں کیا؟

کویت کے امیر نے نہ صرف نئے انتخابات کرانے کا وقت مقرر نہیں کیا ہے بلکہ آئین کی بعض شقوں کو بھی 4 سال کے لیے معطل کر دیا ہے، اگرچہ کویتی پارلیمنٹ کی تحلیل اور قبل از وقت انتخابات کے انعقاد کو بار بار دہرایا گیا ہے، خاص طور پر حالیہ برسوں میں، 1962 میں کویت میں جمہوریت کے عمل کے آغاز کے بعد سے آئین کے کچھ آرٹیکلز کی معطلی تیسری بار ہوئی ہے۔