ڈنمارک کی بھی یوکرینی فوجیوں کو تربیت

🗓️ 14 ستمبر 2022

سچ خبریں:کوپن ہیگن اور کیف کے درمیان ہونے والے معاہدے کے مطابق ڈنمارک اپنی سرزمین پر یوکرینی فوجیوں کو تربیت فراہم کرتا ہے۔

اسپوٹنک نیوز ایجنسی کی رپورٹ کے مطابق ڈنمارک کے وزیر دفاع مورٹن بڈیسکوف نے تفصیلات بتائے بغیر کہا کہ یوکرین کے فوجی ڈنمارک کی سرزمین پر فوجی تربیت حاصل کریں گے، اگست کے اوائل میں ایک رپورٹ میں بتایا گیا تھا کہ ڈنمارک یوکرینی افواج کو 130 فوجی ٹرینر فراہم کرے گا، جو برطانیہ کی رہنمائی میں موسم خزاں میں تربیت شروع کریں گے۔

واضح رہے کہ اس سے قبل اسپین نے اعلان کیا تھا کہ اس ملک کی مسلح افواج کے اہلکاروں نے یوکرینی فوجیوں کو جنگی ٹینک، میزائل سسٹم، طبی آلات اور بارودی سرنگیں ہٹانے کی تربیت دینے کے لیے خود کو تیار کر لیا ہے،یاد رہے کہ ڈنمارک نے پہلے یوکرین کو مالی امداد اور ہتھیار فراہم کرنے کا عہد کیا تھا اور اس کے علاوہ جزیرہ نما کریمیا کے روس سے الحاق کے بعد اس نے کیف کی سرزمین پر یوکرین کی افواج کو تربیت دی تھی۔

بڈیسکوف نے کہا کہ جب تک انہیں (یوکرین) کو حمایت کی ضرورت ہے، ہم دوسرے اتحادیوں کے ساتھ مل کر ان کی حمایت کریں گے،واضح رہے کہ پچھلے مہینے ڈنمارک نے ایک بین الاقوامی کانفرنس کی میزبانی کی جس کا مقصد یوکرین کی فوج کو اسلحہ اور گولہ بارود کی ترسیل کے استحکام کو یقینی بنانا تھا جس میں شرکاء نے کیف کی مدد کے لیے 1.5 بلین ڈالر کا فنڈ جمع کرنے پر اتفاق کیا۔