پیر کو بریکس سربراہان کی آنلائن ہنگامی نشست منعقد ہوگی

 پیر کو بریکس سربراہان کی آنلائن ہنگامی نشست منعقد ہوگی

 برکس (BRICS) ممالک کے رہنماؤں نے پیر ( 9 ستمبر) کو ایک ہنگامی ورچوئل اجلاس منعقد کرنے کا فیصلہ کیا ہے۔ یہ اعلان برازیل کے صدر کے خصوصی مشیر برائے امورِ بین‌الملل سلسو آموریم نے کیا۔ برازیل اس وقت بریکس کی صدارت کر رہا ہے۔ان کے مطابق یہ اجلاس صدر لولا دا سیلوا کی تجویز پر وڈیو کانفرنس کے ذریعے بلایا گیا ہے۔

برازیلی سی این این ٹی وی کے مطابق، اجلاس میں رہنما موجودہ کثیر قطبی عالمی نظام کو درپیش چیلنجز اور امریکہ کی جانب سے لگائی گئی تجارتی پابندیوں اور ٹیرف اقدامات کے خلاف مشترکہ حکمتِ عملی پر تبادلہ خیال کریں گے۔

روسی صدر ولادیمیر پوتین کی شرکت کی تصدیق کریملن کے ترجمان دیمیتری پسکوف نے کی ہے، جبکہ چینی صدر شی جن پنگ نے بھی اپنی شرکت کی منظوری دی ہے۔

یاد رہے کہ رواں سال جولائی  میں بریکس کا دو روزہ سربراہی اجلاس برازیل کے شہر ریودو جانیرو میں منعقد ہوا تھا جس میں ایران سمیت رکن ممالک کے صدور اور وزرائے خارجہ نے شرکت کی تھی۔ اس اجلاس میں ایران کی نمائندگی وزیر خارجہ سید عباس عراقچی نے کی تھی، جنہوں نے اسرائیلی حملے کی مذمت کرتے ہوئے کہا تھا کہ بریکس کو جنوبی دنیا کی آواز بن کر بین الاقوامی قانون، کثیرالجہتی، اور اقوام متحدہ کے بنیادی اصولوں خصوصاً ریاستوں کی مساوات، طاقت کے استعمال سے گریز اور تنازعات کے پرامن حل کے دفاع میں اپنا کردار ادا کرنا چاہیے۔بریکس کے موجودہ اراکین میں ایران، برازیل، روس، بھارت، چین، جنوبی افریقہ، ایتھوپیا، متحدہ عرب امارات، مصر اور انڈونیشیا شامل ہیں۔