ٹرمپ دوسری بار سرکاری دورے پر لندن پہنچ گئے

ٹرمپ دوسری بار سرکاری دورے پر لندن پہنچ گئے

 امریکی صدر ڈونلڈ ٹرمپ دوسری بار سرکاری دورے پر لندن پہنچ گئے ہیں۔ اس دورے میں وہ برطانوی شاہی خاندان سے ملاقاتوں کے علاوہ وزیراعظم کئیر اسٹارمر کے ساتھ سیاسی گفتگو بھی کریں گے، تاہم ان کی آمد نے برطانیہ میں ایک نئی لہرِ احتجاج کو جنم دیا ہے۔

ٹرمپ کا استقبال برطانوی وزیرِ خارجہ ایوت کوپر اور بادشاہ کے نمائندہ وسکانت ہُڈ نے کیا۔ وہ فی الحال امریکی سفیر کی رہائش گاہ میں مقیم ہیں۔کل (بدھ) ٹرمپ شاہ چارلس سوم سے قلعہ ونزر میں ملاقات کریں گے۔

جمعرات کو ان کی ملاقات وزیراعظم اسٹارمر سے چیکرز میں ہوگی، جو وزیراعظم کی سرکاری رہائش گاہ ہے۔ٹرمپ کے ہمراہ امریکی وزیرِ خارجہ اور مشرقِ وسطیٰ کے لیے خصوصی ایلچی بھی موجود ہیں۔

ٹرمپ کی آمد پر ونزر قلعہ کے سامنے مظاہرین نے احتجاج کیا۔ انہوں نے پلے کارڈز اٹھا رکھے تھے جن پر لکھا تھا ہم ٹرمپ کا خیرمقدم نہیں کرتے ٹرمپ مجرم، نسل پرست اور جھوٹا ہے

کل لندن میں بڑے پیمانے پر مزید مظاہروں کا اعلان کیا گیا ہے۔اسٹاپ ٹرمپ اتحاد نامی تنظیم نے بیان میں کہا کہ "اقتدار پسند ٹرمپ کی پالیسیوں کی یہاں کوئی جگہ نہیں اور وزیراعظم کو اس کے لیے سرخ قالین نہیں بچھانا چاہیے۔مظاہرین کا کہنا ہے کہ ٹرمپ کا لندن کے بجائے وزیراعظم سے شہر سے باہر ملاقات کرنا ان کے احتجاج کی کامیابی ہے۔

یہ ٹرمپ کا بطور صدر دوسرا سرکاری دورہ برطانیہ ہے۔ اس سے قبل وہ 2019 میں لندن آئے تھے جب ہزاروں افراد نے سڑکوں پر احتجاج کیا تھا اور بے بی ٹرمپ غبارہ ان مظاہروں کی علامت بن گیا تھا۔