نیو یارک پولیس کا 9 سالہ بچی کے ساتھ غیر انسانی سلوک

?️ 1 فروری 2021

سچ خبریں:امریکہ کے شہر نیویارک کے روچسٹر علاقہ کی پولیس نے ایک 9 سالہ بچی کے چہرے پر کالی مرچ کا چھڑکاؤ اس وقت کیا جب اسے ہتھکڑی لگائی گئی تھی۔
نیو یارک سٹی کے علاقہ روچسٹر پولیس کی وردی میں لگے کیمرے سے لی گئی تصاویر میں ایک بار پھر امریکی پولیس کی بربریت کا مظاہرہ دیکھنے کو ملا ہے، ان تصاویر میں دکھایا گیا ہے کہ روچسٹر پولیس نے ایک 9 سالہ بچی کو ہتھکڑی لگا کر اس کے ساتھ بے دردی سے مار پیٹ کی ، ان تصاویر میں دکھایا گیا ہے کہ پولیس نے 9 سالہ بچی کو ہتھکڑی لگائی ہوئی ہے اور ایک خاتون پولیس آفیسر اس کو زبردستی گاڑی سے باہر نکالنے کی کوشش کررہا ہے ۔

بچی اپنے ہاتھوں پر لگائی جانے والی ہتھکڑیوں سے پریشان نظر آرہی ہے اور ہر وقت رو رہی ہے ،وہ اپنے والد کو فون کرنا چاہتی ہے لیکن پولیس افسر اسے زبردستی گاڑی سے باہر نکالنے کی کوشش کرتی ہے، روچسٹر پولیس کے مطابق ، خاندانی پریشانی کی اطلاع ملنے کے بعدپولیس افسران جائے وقوع پر گئے۔