طوفان الاقصی کی وجہ صیہونی معیشت کو برا نقصان

سچ خبریں: معاریو اخبار کی اطلاعاتی ویب سائٹ نے اسرائیلی بینک کے سابق ریسرچ ڈیپارٹمنٹ کے سربراہ "میشیل سترابشینسکی” کے حوالے سے بتایا کہ 7 اکتوبر کے بعد شروع ہونے والی جنگ اور اس کے اثرات نے اسرائیلی معیشت کو بری طرح جکڑ لیا ہے۔

اس میڈیا رپورٹ کے مطابق، معاشی ماہر، جو ایک ریڈیو پروگرام میں شریک ہوئے، نے زور دے کر کہا کہ "طوفان الاقصی” آپریشن کے بعد اسرائیلی معیشت کو متعدد سنگین مسائل کا سامنا ہے۔ ان میں مہنگائی اور افراط زر سب سے نمایاں ہیں۔ مال برداری کے اخراجات میں اضافہ ہو گیا ہے، اور اب تو ہوائی جہاز بھی یہاں پروازیں منسوخ کر چکے ہیں۔ دوسرا بڑا مسئلہ رہائش کا ہے۔ 7 اکتوبر کے واقعات کے بعد فلسطینی مزدوروں کے اخراج اور غیر ملکی کارکنوں کے فرار کے بعد، کوئی بھی مزدور یہاں کام کرنے کو تیار نہیں، اور حکام غیر ملکی لیبر کی فراہمی میں ناکام ہو چکے ہیں۔

انہوں نے اس گفتگو میں مزید کہا کہ ہم یہ کہہ سکتے ہیں کہ 7 اکتوبر (طوفان الاقصی) کے بعد اسرائیل شدید معاشی کساد بازاری کا شکار ہو گیا ہے، جس کی واضح علامت فی کس جی ڈی پی میں کمی ہے۔ جب تک یہ جنگ ختم نہیں ہوتی، حالات اتنے ہی سخت رہیں گے، بلکہ شاید اور بھی خراب ہو جائیں۔ کچھ شعبوں میں معمولی بہتری آئی ہو، لیکن سیاحت جیسے شعبے بری طرح متاثر ہوئے ہیں۔