نیتن یاہو کی کابینہ اپنی بقا کے لیے جنگ کو ضروری سمجھتی ہے: اسلامی جہاد

سچ خبریں: فلسطینی تحریک جہاد اسلامی نے ایک بیان جاری کرتے ہوئے صیہونی حکومت کی طرف سے ویسٹ بینک میں جاری ظلم و تشدد میں شدت کی نشاندہی کی ہے۔ 

تحریک نے اعلان کیا کہ غاصب اسرائیلی فوج کی طرف سے آج صبح سے ویسٹ بینک کے شہروں اور قصبوں میں شروع کی گئی وسیع پیمانے پر فوجی کارروائی، صیہونی ریاست کے اس منصوبے کے تحت فلسطینی عوام کے خلاف ایک نیا منظم حملہ ہے جس کا مقصد ویسٹ بینک کو فلسطینیوں سے خالی کرا کر انہیں بے گھر کرنا اور ان کی زمینوں املاک پر قبضہ کرنا ہے۔

بیان میں مزید کہا گیا ہے کہ یہ نیا حملہ، کنیسٹ (اسرائیلی پارلیمنٹ) کی طرف سے الحاقی کارروائیوں کے راستے ہموار کرنے والے قوانین منظور کرنے کی جنونی کوششوں کے ساتھ ہم وقت ہے۔ ان قوانین میں ایک تجویز شدہ قانون بھی شامل ہے جو آبادکاروں کو مقبوضہ زمینوں پر قبضہ کرنے کی اجازت دیتا ہے۔

جہاد اسلامی کے مطابق، یہ حالات صیہونی فوجی ادارے کے اندر پیدا ہونے والے شدید اختلافات کے دوران سامنے آئے ہیں، جنہیں غاصب فلسطینیوں کے خلاف جارحیت کے ذریعے چھپانے کی کوشش کر رہے ہیں۔

بیان کے مطابق، نیتن یاہو کی کابینہ اپنی بقا کے لیے جنگیں چھیڑنے اور قتل عام کرنے کے سوا کوئی راستہ نہیں دیکھتی، کیونکہ اس کے ارکان جنگی مجرم ہیں جن کے خلاف قانونی کارروائی ہونی چاہیے۔

بیان کے اختتام پر زور دیا گیا کہ فلسطینی عوام اور اس کی مزاحمتی قوتیں پوری طاقت و استقامت کے ساتھ ان جرائم کا مقابلہ کریں گی جنہیں دنیا اب بھی نظر انداز کر رہی ہے۔