نیتن یاہو کی ذاتی معلومات ہیک

?️ 14 ستمبر 2022

سچ خبریں:صیہونی ذرائع ابلاغ کا کہنا ہے کہ ہیکرز نیتن یاہو سمیت 9.5 ملین صیہونی شہریوں کا شناختی ڈیٹا چرانے میں کامیاب ہو گئے۔

صیہونی اخبار والہ نیوز نے اپنی ایک رپورٹ میں لکھا ہے کہ ہیکرز نے نیتن یاہو سمیت 9.5 ملین صیہونی شہریوں کی معلومات چوری کی ہیں جن میں شناختی کارڈ نمبر، پتہ اور دیگر ضروری معلومات شامل ہیں۔

عبرانی زبان کے اس میڈیا کے مطابق ان معلومات میں اسرائیل کے اعلیٰ اور سرکاری عہدیداروں بشمول اس حکومت کے موجودہ اور سابق وزرائے اعظم کی شناختی معلومات بھی دیکھی جا سکتی ہیں۔،رپورٹ میں زور دے کر کہا گیا ہے کہ وار_ڈارک کے طور پر اپنے آپ کو متعارت کروانے والے ہیکرز نے تقریباً 9 ملیون5 لاکھ افراد کی معلومات پر مشتمل ڈیٹا بیس کو چرایا اور اپنی کروائی کی تصدیق کے لیے 8 ہزار 300 شناختی فائلوں کی جزوی معلومات شائع کی ہیں جن میں نیتن یاہو کی بھی شامل ہیں۔

واضح رہے کہ صیہونی حکومت کے سابق وزیراعظم بنجمن نیتن یاہو کی شناخت کی معلومات کے علاوہ موجودہ وزیراعظم یائر لاپڈ کا بھی شائع شدہ ڈیٹا دیکھا جاسکتا ہے جو اسرائیلی ڈیٹا بیس میں رجسٹرڈ ریکارٹ سے حاصل کی گئی ہیں!

اس بڑے سائبر واقعے اور اسرائیل کے ڈیٹا بینک میں ہیکرز کے گھسنے کے بارے میں شائع ہونے والی خبروں کے ردعمل میں، اسرائیلی پرائیویسی پروٹیکشن بورڈ نے اعلان کیا کہ اس معاملے کی تحقیقات کی جا رہی ہیں جبکہ کہ صیہونی سکیورٹی لیک ہونے کا یہ واقعہ کوئی نیا نہیں ہے۔