نامعلوم ڈرون کی وجہ سے صیہونی ہوائی اڈے کی سرگرمیوں میں خلل

?️ 28 اگست 2022

سچ خبریں:صیہونی ذرائع ابلاغ کا کہنا ہے کہ اس ریاست کے بین گورین ہوائی اڈے کے قریب ایک نامعلوم ڈرون کی موجودگی کے باعث اس اڈے کی پروازیں روک دی گئیں۔

صہیونی ٹیلی ویژن نے اس ریاست کے بین گورین ہوائی اڈے کے ارد گرد ایک نامعلوم چھوٹے ڈرون کی پرواز کے بعد پروازوں کے بند کیے جانے کا اعلان کیا، صیہونی حکومت کے 12ویں ٹی وی چینل نے اعلان کیا کہ ہفتہ کی صبح تل ابیب کے بن گورین ہوائی اڈے پر ایک غیر معمولی واقعہ پیش آیا۔

صیہونی چینل نے اس بارے میں اطلاع دی کہ ایئرپورٹ کے رن وے پر ایک کواڈ کاپٹر ڈرون کی آمد کے بعد نیویارک سے آنے والے طیارے نے، جو اس ہوائی اڈے پر اترنے ہی والا تھا، اپنا روٹ تبدیل کر لیا، اس رپورٹ کے مطابق صیہونی پولیس اس ڈرون کے آپریٹر کا پتہ لگانے کے لیے چھان بین کر رہی ہے۔

واضح رہے کہ کچھ عرصہ قبل صہیونی میڈیا نے اعلان کیا تھا کہ بن گوریون ہوائی اڈے کے انرجی یونٹ سے زہریلا مادہ کلورین لیک ہو گیا ہے اور اس سے نمٹنے کے لیے فائر اور ریسکیو ٹیمیں اس مقام پر موجود ہیں، صہیونی میڈیا کا کہنا تھا کہ گیس کا اخراج ہالوں تک نہیں پھیلا اور ہوائی اڈے کے کام میں کوئی رکاوٹ نہیں پیش آئی۔