مقبوضہ فلسطین میں صحافی کا قتل

?️ 5 ستمبر 2022

سچ خبریں:فلسطینی میڈیا نے اتوار کی شب مقبوضہ فلسطین کے شہر ام الفہم میں ایک صحافی کو قتل کرنے کی اطلاع دی ہے۔

فلسطینی خبر رساں ایجنسی وفا کی رپورٹ کے مطابق صحافی نضال اغباریہ کو مقبوضہ شہر ام الفہم میں گولی مار کر ہلاک کیا گیا، ذرائع ابلاغ کی رپورٹ کے مطابق متذکرہ صحافی کو اتوار کے روز گولی ماری گئی جس کے نتیجہ میں وہ شدید زخمی ہوگیا ، آخرکار اس کی جان بچانے کی کوششیں کارگر ثابت نہ ہوسکیں اور زخموں کی تاب نہ لاتے ہوئے دم توڑ گیا۔

ہسپتال ذرائع کے مطابق اغباریہ کو جسم کے اوپری حصے میں گولی لگی جس کے باعث وہ شہید ہو گئے، یاد رہے کہ اس رپورٹر کے گھر پر بھی جون 2021 میں حملہ کیا گیا تھا

قابل ذکر ہہے کہ اس صحافی کی موت کے ساتھ ہی 1948 کے مقبوضہ علاقوں میں اس سال کے آغاز سے اب تک شہید ہونے والے افراد کی تعداد 72 ہو گئی ہے،تاہم ابھی تک کسی فرد یا گروہ نے اس صحافی کے قتل کی ذمہ داری قبول نہیں کی ہے، واضح رہے کہ صہیونی فوج نے گزشتہ تین ماہ کے دوران شیرین ابو عاقلہ سمیت کم از کم دو فلسطینی صحافیوں کو براہ راست فائرنگ کر کے شہید کر دیا اور عالمی برادری خاموش تماشائی بنی رہی۔