مشرق وسطیٰ دہشت گردوں کے ساتھ دوستی کیسے قبول کر سکتا ہے:پاکستانی صحافی

 پاکستان کے معروف صحافی، سینئر تجزیہ کار اور جیو نیوز کے اینکر حامد میر نے غزہ میں الجزیرہ کے میڈیا ٹیم پر اسرائیلی ڈرون حملے میں دو صحافیوں کی شہادت پر شدید ردعمل دیا ہے۔ انہوں نے خطے کے ان ممالک کو مخاطب کیا جو اسرائیل سے تعلقات قائم کرنے کے خواہش مند ہیں اور کہا خاورمیانہ قاتلوں اور دہشت گردوں سے دوستی کیسے قبول کر سکتا ہے؟

حامد میر نے امریکی صدر کو بھی تنقید کا نشانہ بنایا اور کہا کہ الجزیرہ کے صحافیوں کے قتل کے بعد انہیں ڈونلڈ ٹرمپ کے حالیہ بیان کی یاد آئی، جس میں انہوں نے مشرقِ وسطیٰ کے تمام ممالک سے کہا تھا کہ اسرائیل کے مسلسل جرائم کے باوجود اس کے ساتھ تعلقات معمول پر لائیں۔

فلسطینی ذرائع کے مطابق پیر کی صبح اسرائیلی فوج کے ڈرون نے غزہ شہر میں الشفاء میڈیکل کمپلیکس کے مرکزی دروازے کے سامنے صحافیوں کے خیمے کو نشانہ بنایا، جس کے نتیجے میں الجزیرہ کے دو فلسطینی صحافی انس الشریف اور محمد قریقع شہید ہوگئے۔

الجزیرہ نے رپورٹ کیا کہ ڈرون حملے کے وقت کئی مقامی صحافی اس مقام پر موجود تھے اور یہ واقعہ اس بات کی سنگین مثال ہے کہ جنگ زدہ علاقوں میں صحافی کس قدر خطرات میں کام کر رہے ہیں۔