متحدہ عرب امارات کا افغان ہوئی اڈوں کا انتظام اسرائیل کے حوالے

?️ 25 جولائی 2022

سچ خبریں:اسرائیل میں شائع ہونے والی رپورٹوں سے پتہ چلتا ہے کہ اماراتی کمپنی GAAC نے افغانستان کے ہوائی اڈوں کا انتظام اسرائیلی سکیورٹی کمپنی اے آر چیلنجز کو سونپ دیا ہے۔
صیہونی اخبار ہارٹیز کے چیف ایڈیٹر Aluf bennکے ذاتی صفحہ پر شائع ہونے والی رپورٹ کے مطابق اے آر چیلنجز سکیورٹی کمپنی کے منیجنگ ڈائریکٹر رفیع سیلا نے ہارٹیز کے چیف ایڈیٹر کے ساتھ ایک انٹرویو میں افغانستان کے ہوائی اڈوں کے انتظام میں متحدہ عرب امارات کے ساتھ اسرائیل کی شراکت اور تعاون کے حوالے سے بہت اہم مسائل اٹھائے۔

رفیع سیلا نے اس انٹرویو میں کہا کہ سکیورٹی کمپنی اے آر چیلنجز نے دو سال پہلے سے بحرین، متحدہ عرب امارات، مراکش اور سوڈان کی مختلف کمپنیوں کے ساتھ قریبی تعاون شروع کر رکھا ہے نیز اس کا متحدہ عرب امارات کے ہولڈنگ G42 کے ساتھ انتہائی سنجیدہ تعاون جاری ہے، یاد رہے کہ اے آر چیلنجز اماراتی جی 42 کمپنی کی مرکزی کنسلٹنٹ اور پارٹنر ہے اور اس کے ہولڈنگ کے تمام معاہدوں کی پیروی شراکت داری میں کی جاتی ہے۔

اسرائیلی کمپنی اے آر چیلنجز کے منیجنگ ڈائریکٹر نے اس انٹرویو میں باضابطہ طور پر اعلان کیا کہ اے آر چیلنجز لمیٹڈ کے اسرائیلی تکنیکی ماہرین، GAAC کمپنی کے ساتھ تعاون کے ذریعے، اس وقت افغانستان کے ہوائی اڈوں کے انتظام میں براہ راست شامل ہیں اور کابل، ہرات، قندھار اور مزار شریف کے ہوائی اڈوں پر کنٹرول اور اسکریننگ کے کام انجام دے رہے ہیں۔