لبنان کا اسرائیل پر حملہ

?️ 18 نومبر 2023

سچ خبریں:فلسطین الیوم نیٹ کے مطابق لبنان کے جنوب سے مقبوضہ فلسطینی علاقوں کے شمال میں 20 راکٹ فائر کیے گئے۔

اس حوالے سے لبنان کی حزب اللہ نے اعلان کیا ہے کہ اس نے صہیونی فوج سے تعلق رکھنے والے حداب البستان کے اڈے کو نشانہ بنایا ہے۔ اس حملے میں متعدد صیہونی فوجی ہلاک یا زخمی ہوئے۔

دوسری جانب المیادین نیٹ ورک نے اطلاع دی ہے کہ صیہونی حکومت کے حملوں کی شدت کی وجہ سے گزشتہ رات غزہ کی پٹی کی سب سے مشکل راتوں میں شمار کی گئی تھی، اس طرح گذشتہ شب ہونے والے حملوں میں شہداء کی ابتدائی تعداد غزہ کی پٹی کے شمال اور جنوب میں 110 افراد پہنچ گئی۔

اس رپورٹ کے مطابق تل الزعیر اور جبالیہ میں فلسطینی پناہ گزینوں پر مشتمل 2 اسکولوں پر بمباری کے دوران بڑی تعداد میں فلسطینی شہید ہوئے۔

حماس تحریک نے بھی فلسطینی قانون ساز کونسل کے نائب صدر احمد بحر کی شہادت کی تصدیق کی ہے۔

جمعہ کے روز فلسطینی ذرائع ابلاغ نے اطلاع دی ہے کہ احمد بحر صیہونی حکومت کے حملے میں زخموں کی شدت کی وجہ سے شہید ہو گئے۔