سچ خبریں:لبنانی ذرائع نے اس ملک کے شہر طرابلس میں صیہونی حکومت کے ایک جاسوس کی گرفتاری کا اعلان کیا ہے۔
لبنانی ذرائع ابلاغ کی رپورٹ کے مطابق اس ملک کے شہر طرابلس کے انٹیلی جنس ڈیپارٹمنٹ نے صہیونی دشمن کے ساتھ تعاون کے شبے میں ایک شخص کو گرفتار کر لیا ہے۔
لبنانی اخبار الاخبار نے اس سلسلہ میں لکھا ہے کہ اس شخص کو گرفتار کرنے کے بعد ایک خصوصی گروپ نے اسے سکیورٹی فورسز کے سینٹرل ڈائریکٹوریٹ کی عمارت میں واقع انٹیلی جنس ڈیپارٹمنٹ کے ہیڈ کوارٹر منتقل کردیا جس کے بعد تحقیقات سے معلوم ہوا کہ یہ شخص ان میں سے ایک ہے جو سوشل میڈیا اور واٹس ایپ کے ذریعے صیہونی حکومت کے ساتھ تعاون کی طرف راغب کرنے اور صیہونیوں کے جال میں پھنسانے والے گروہوں کا شکار ہوتے ہیں۔
ایسا لگتا ہے کہ طرابلس انٹیلی جنس ڈپارٹمنٹ کے پاس دوسرے لوگوں کی بھی فہرست موجود ہے اور یہ ادارہ ان کی نگرانی کر رہا ہے،یاد رہے کہ عام طور پر یہ محکمہ دوسرے سرکاری سکیورٹی اداروں سے الگ ہٹ کر اور کرائے کے فوجیوں کے معاملے میں مزاحمتی تحریک کے سکیورٹی ادارے کے خصوصی تعاون سے کام کرتا ہے، قابل ذکر ہے کہ اس سے پہلے بھی لبنان میں متعدد صیہونی جاسوس گرفتار کیے جاچکے ہیں جنہیں نوکریں کی لالچ دے کر جاسوسی کے جال میں پھنسایا جاتا ہے۔