سچ خبریں:لبنانی سکیورٹی فورسز نے اس ملک کے جنوب میں شامی سرحد سے متصل ایک گاؤں میں داعش سے وابستہ گروہ کو گرفتار کیا ہے۔
لبنان24 نیوز سائٹ نے داعش سے وابستہ اس گروہ کی گرفتاری کا اعلان کرتے ہوئے کہا کہ نباطیہ میں جنرل ڈائریکٹوریٹ آف سکیورٹی کے دستوں نے داعش سے وابستہ ایک گروہ کو گرفتار کیا ہے جو اس سے پہلے شام میں لڑرہا تھا بعد میں غیر قانونی طور پر لبنان چلے گئے جہاں اسے گرفتار کر لیا گیا۔
رپورٹ کے مطابق داعش سے وابستہ یہ گروہ جنوبی لبنان کے سرحدی گاؤں میں سے ایک میں آباد تھا اور علاقے کی نگرانی کر رہا تھا، لبنان 24 کے مطابق اس دہشت گرد گروہ نے مالی اعانت کے مقصد سے جعلی کرنسی اور منشیات کی تقسیم کے لیے ایک نیٹ ورک شروع کیا ہے، تاہم لبنانی عدالتی حکام کی جانب سے اس گروہ سے متعلق دیگر افراد اور ان کے مقاصد کا پتہ لگانے کے لیے تحقیقات جاری ہیں۔
