فلسطین لبریشن کی اسرائیل کو شدید دھمکی

?️ 31 جولائی 2024

سچ خبریں: عوامی فرنٹ فار لبریشن آف فلسطین کے ترجمان مہر الطاہر نے کہا ہے کہ شہید اسماعیل ہنیہ نے فلسطین کاز کے لیے اپنی سب سے قیمتی چیز قربان کی۔

انہوں نے کہا کہ فلسطینی اپنے مقصد کے لیے ہر عزیز اور قیمتی چیز پیش کرنے کو تیار ہیں۔

مہر الطاہر نے کہا کہ دشمن اسرائیل نے تمام سرخ لکیریں عبور کر لی ہیں اور معاملات کو ایک جامع جنگ کی طرف دھکیل دیا ہے۔ مزاحمتی تنظیمیں جنگ کے لیے پوری طرح تیار ہیں۔

یہ بھی پڑھیں: حماس سیاسی سربراہ شہادت پر فلسطینی مزاحمتی گروپوں کا ردعمل

انہوں نے مزید کہا کہ اسرائیلی حکومت اسماعیل ہنیہ کے قتل اور ایرانی خود مختاری پر حملے کے گناہ پر پچھتائے گی، شہید اسماعیل ہنیہ کا قتل امریکی مدد کے بغیر ممکن نہیں تھا۔

مہر الطاہر نے اپنے بیان میں مزید کہا کہ شہید بھائی ہنیہ، آپ اطمینان سے سو جائیں، فکر نہ کریں، ہم وعدہ کرتے ہیں کہ جدوجہد اور مزاحمت جاری رکھیں گے۔

مزید پڑھیں: اسماعیل ہنیہ کی شہادت کا جماعتِ اسلامی کے دھرنے پر اثر

اس کے علاوہ حماس کے رہنما سامی ابو زہری نے کہا ہے کہ ہم بیت المقدس کو آزاد کرانے کے لیے کھلی جنگ لڑ رہے ہیں اور بیت المقدس کے لیے ہر قیمت ادا کرنے کو تیار ہیں۔