غزہ کی تعمیر نو کی ذمہ داری اسرائیل پر عائد ہوتی ہے:سلامتی کونسل

?️ 10 اگست 2022

سچ خبریں:اقوام متحدہ کی سلامتی کونسل کے سربراہ نے اعلان کیا کہ غزہ کی تعمیر نو کی ذمہ داری صیہونی حکومت پر عائد ہوتی ہے۔
اناطولیہ خبر رساں ایجنسی کی رپورٹ کے مطابق سلامتی کونسل کے سربراہ نے صحافیوں سے گفتگو میں کہا کہ غزہ میں حالات کے استحکام کو برقرار رکھنا اور کسی بھی تنازع اور کشیدگی کو روکنا بہت ضروری ہے،ظاہر سی بات ہے کہ اسرائیل قابض حکومت کے طور پر، اس صورتحال کو ایجاد کرنے کا ذمہ دار ہے۔

یاد رہے کہ اتوار کے روز مصر کی ثالثی سے غزہ کی پٹی میں صیہونی حکومت اور جہاد اسلامی تحریک کے درمیان جنگ بندی طے پائی، گذشتہ تین دنوں کے دوران صہیونی فوج نے غزہ کی پٹی پر حملے کیے ہیں جبکہ جہاد اسلامی تحریک کی عسکری ونگ سرایا القدس بٹالینز نے بھی قریبی اسرائیلی اڈوں پر راکٹ حملے کیے۔

یاد رہے کہ اسرائیلی آپریشن کے نتیجے میں 43 فلسطینی شہید ہوئے، سلامتی کونسل کے صدر نے کہا کہ طویل مدت میں جو چیز ہمیں پریشان کرتی ہے وہ یہ ہے کہ ہمیں اس صورت حال پر مزید جامع نظر ڈالنی چاہیے اور دو ریاستوں، فلسطین اور اسرائیل کی تشکیل کے حل کی بنیاد پر ایک منصفانہ اور پائیدار حل تلاش کرنا چاہیے، اگر ایسا کوئی حل نہ نکلا تو صورتحال پہلے جیسی ہو جائے گی۔

سلامتی کونسل کے سربراہ نے کہا کہ مجھے امید ہے کہ عالمی برادری کی توجہ صرف انسانی صورت حال تک محدود نہیں رہے گی بلکہ وہ دو ریاستی حل کو عملی جامہ پہنانے کی راہ تلاش کرے گی کیونکہ بصورت دیگر جیسا ہم سوچ رہےہیں ایسا کچھ بھی نہیں ہوگا۔