عراقی وزیر اعظم کا فلسطینی عوام کی حمایت جاری رکھنے اعلان

?️ 24 فروری 2026

عراقی وزیر اعظم کا فلسطینی عوام کی حمایت جاری رکھنے اعلان

عراق کے وزیر اعظم محمد شیاع السودانی نے بغداد میں فلسطین کے نئے سفیر سے ملاقات کے دوران ایک بار پھر فلسطینی عوام کے جائز حقوق کی حمایت کے اپنے اصولی مؤقف کا اعادہ کیا۔

عراقی سرکاری خبر رساں ادارے کے مطابق وزیر اعظم نے کہا کہ عراق فلسطینی عوام کے حقوق کی مستقل حمایت جاری رکھے گا اور آبادکاری کی پالیسی اور اجتماعی سزا جیسے اقدامات کی مخالفت کرتا ہے۔

وزیر اعظم کے دفتر سے جاری بیان میں کہا گیا کہ ملاقات کے دوران خطے میں کشیدگی اور بحران کو بڑھانے والی خلاف ورزیوں کو روکنے کے لیے علاقائی اور بین الاقوامی کوششوں کو ہم آہنگ بنانے کی ضرورت پر زور دیا گیا تاکہ خطے کے استحکام کو یقینی بنایا جا سکے۔

اس موقع پر بغداد میں تعینات فلسطینی سفیر سمر عوض اللہ نے فلسطینی عوام کی مسلسل حمایت پر عراقی حکومت کا شکریہ ادا کیا اور خطے میں کشیدگی کم کرنے میں بغداد کے کردار کو سراہا۔

فلسطینی سفیر نے عراق میں جاری ترقیاتی اور تعمیراتی پیش رفت کو بھی قابل توجہ قرار دیتے ہوئے مختلف شعبوں میں ہونے والی پیش رفت پر اطمینان کا اظہار کیا۔